說話

我們經常想像不到，一句普通的說話，對別人的傷害會有多大。

我會好好學習說話與表達。

突然，
想謝謝在身邊的朋友們，
從沒有因為我常常的衝口而出而生氣。

本週四約會

k小姐在本週四生日，年年都一起慶祝，但今年就！！突變喇，好鬼熱鬧呀！！！先有早前發報熱爆社交網站的朋友仔會帶愛侶出現，再有雲小姐的B先生又一同付會，場面何其熱鬧，突然多左兩個新朋友加入呀！！！早幾天致電馮少爺，約他要出席慶生派對，雖然他有公司應酬在身，但也萬二份雀躍（好少會咁，多得他的兄弟!)。今天他回電給我。

他: 我...我..果日真係唔得。
我: 我都就左你係元朗啦。又唔得！！！！！！！
他: 係咩..又轉左地方拿。
我: 為左你番來快啲丫嘛，好熱鬧架果日。
他: 我都知呀。
我: 好緊張呀我！！！你知唔知你兄弟會帶人來先．．．
他: 咦．．．唔係佢生日先咩！？
我:（佢等唔切架喇-我心諗) 佢打來示威話要帶多個人去，我點會話唔好呢...係咪先？
他: 咁又係~~佢個死仔包!
我: 阿雲都帶喎!! 好正呀!!!
他: 妖...呢個又帶..果個又有...咁我點算？唔可以咁架囉
我: 哈哈哈哈....（你都有今日喇！可惜但我當時無咁講．．．．）
他: 我又要帶個去呀！！！
我: 帶還帶，你帶個靚囡啲呀！
他: 講下咋，帶條毛咩！！！邊有丫~~
我: 你知唔知你個兄弟，係度吩咐我唔好亂講野呀...
他: 岩丫，你係會亂講野架。
我: 我唔會架，我有分串架。
他: 你一定會亂講架！！一定會。
我:．．．．．．　你盡快趕番來啦！！
他: 緊係啦！！

好緊張呀，仲緊張過去動物園，唔知當日有咩盛況呢！！！哈哈哈哈哈！！

『功』務繁忙

看我近來少了更新，就知道我『功』務繁忙啦，唉。

話說我正式開學只有一星期，我就面臨一大堆的驚嚇（真係好似馮少爺咁講，我宜家活在一個充滿字既世界，好可怕）。姐係咁，如果你對住一大堆字，如果你查左字典，如果睇左兩三次，都唔係太明講咩，仲要答問題唔係由文章裏面有題示的。究竟應該如何入手呢？本人就正正遇著呢個大問題，再唔係中學生看英文閱讀理解咁簡單。要理解左篇文，吞左落肚慢慢消化，再去搵資料、配搭番合適的theory，再嘔番少少有用既資料，先去寫你的報告（我估、聽聞、應該係咁做！姐係未必一定合用喎）。

現在，才真真正正叫做『讀書』。

你好嗎？

夜裏，我想問，你近來好嗎？

對話！

昨天的早上，與辰生一起上學去，在搭車途中，又有以下對話。點解把口晨早留留都可以咁衰既呢？

我: 你精神啲啦，食完早餐都無黎神氣。
辰生: 呢幾天我都攰喇！（呢句對白係口頭蟬，講黎係無意思架。）
我:　你好遲訓咩？
辰生: 唔係喎!
我: 做咩咁眼訓呢!
辰生: 攰同眼訓係兩樣野黎架。
我: 得！我明。唔同你拗，好煩。
辰生: ....
我: 不如我地玩青蛙青蛙跳丫。
辰生: 你唔好搞我啦！
我: 玩啦，唔好咁既死樣啦。
辰生: 你望下周圍啦，個個都靜靜地架。
我: 就係個個都係咁，我地先唔可以死下死下咁。
辰生: 你痴線架，個個番工番學都哭．喪咁既樣架啦，你放過我啦。
我: 你講到咁衰...哭．喪．．．．我唯有收聲囉。

咩事唧，玩個青蛙青蛙跳姐，又唔係跳樓，咁都唔同我玩，唉。
又，如果番學可以見到個好似周秀娜既同學，咁樣係咪唔洗哭．喪咁慘呢？

特別新聞報導

TXXXX TaXX is in a relationship.

下午五時四十二分，本人開啟社交網站時看到這個更新。新聞爆的情度直達九粒半星星(十粒為爆滿)。

這個更新讚好的人直迫三十個，這位友人的受歡迎情度可想言之是幾勁。我當時的反應是：哇！！(係有出聲既哇)~唔係化。然後，當然係立即留個言先啦！相信他最要好的兄弟都只是早我幾個鐘知道的（我也不算太遲丫!嘿嘿...）。呢個死仔包丫，真係收埋收埋，之前說我不夠朋友，不把秘密告訴他，看來他今次有排去交代這單新聞。幸好，下星期我們便有聚會，不用幫k小姐慶祝生日了，當日一定變為（審犯）的聚會，我好期待！！！

朋友一個又一個蜜運中，真的可喜可賀。

對話

過一陣子就是K小姐的生日了，早前跟她吃過飯，說起雲小姐蜜運中，她...又有擔憂了。

我: 你唔好咁高要求丫嘛..
k小姐: 我無呀!
我: 你留意下身邊既人丫嘛...
k小姐: 無人我可以留意呀!
我: 咁你參加多的活動啦..
k小姐: 我有架!
我: 咁點會咁架~~~ ?
k小姐: 我都唔知...
我: 你就生日，許個願啦！阿雲就係咁得左架喇！
k小姐: 我許左幾年啦!
我: 又好似係喎!
k小姐: 我又生日喇...鳴鳴！！點解我咁命苦？（樣子非常可憐的）
我: 我幫你祈福啦!哈哈哈。
k小姐: 日日番工淨係對住兩個同事(一個上了年幾的賤男、一個後生女)，仲有啲師奶。我真係就黎抑鬱架喇。


嗯嗯，無事既無事既，今年再許願吧。

星座一談

上學都三個星期了，認識了幾位同學仔。有一位同學仔（叫他做ｗ先生？！）與我一樣同住元朗，大家立即熟左(話哂都可以一齊放學丫)。放學後，一起回家。路途上講開關於星座的事，原來他有研究（好少男仔會咁架喎好似？！）。他說呢，雙子座好精伶的、轉數好快的（即是我呀！！），性格會比較外向的。而他自己呢，就是山羊座，他說想認識一些與他同一個星座的女孩子，去知道係咪大家差唔多，然後去了解自己多些。而剛好呢，我熟到爛的朋友堆中，雲小姐就是山羊座。

那我就用她的性格來問一問新同學喇！你係咪屬於內向呢？係咪小野講但未至於唔講野呢？係咪做野較慢，但唔代表無效率，只係想仔細一啲呢？係咪會揀人來傾計呢？雖然朋仔不多，但身邊的朋友都是好親厚的呢？他說：哇！！中呀！！我真係好想識下呢類人呀！認清楚自己丫嘛！然後，他又說！你應該找一些水瓶座的男仔，你地應該會好夾的。好可惜，身邊沒有一位好親厚的男性朋友是水瓶座，有認識過水瓶座的男孩，但好像不合拍架喎？！雖然我都知雙子座與水瓶座好夾。而他繼續說，自己認識好多天蠍座的人。
我就大叫：我好憎天蠍座啲人呀！
他：係呀！你地好似好唔夾架！
係囉係囉！他們真的好毒（應該叫毒蠍座？！）架！我家的邪惡軸心就是天蠍座的，經常問我：你幾時死呀？做乜你要生存係世上吃哂地球啲糧食呀？（唉，點解我會有個咁既細佬？！）而辰生又是天蠍座的，講野又是句句姪住哂的，講野好衰好衰的！
他又說山羊座與處女座好夾的，等我又去研究一下先。


總結，某些關於星座的事，真的好堅架。

『生煎包』

與辰生去吃上海（？）舖吃東西。這家上海舖好底吃的，廿蚊一個上海面／拉面／擔擔面，有野飲，再加兩個生煎包。招牌菜應該是擔擔面，但我們都沒有吃。叫了一個好普通的面，好清！！（不代表不好吃，但我較喜歡吃較濃味的面喎！）而今次的重點竟落在一個『生煎包』上。

我：喂，好飽喇！（雖然我吃淨了一大碗面）我地一人要一個生煎包算啦！
辰生：（他吃哂成大碗拉面）好呀！
我：（包送到我們面前）好似幾好味喎！
辰生：吃啦！
我：（兩個包當中有一個燶啲！）哇！呢個燶既！俾你！
辰生：嘖！！
我：咩事唧！（邊說邊夾起生煎包）好似好脆喎！
辰生：要搣左張紙吃架！
我：（反應不用一秒的說）咦，要架？
辰生：（己在喪笑！）唔洗架！
我：我頂呀！又陰我！
辰生：點知你唔知姐！
我：我點知姐！
辰生：話明係『生煎包』，點會夾埋張紙黎煎呀小姐！
我：（極度仇視！）我．．．．（無得駁啦已經）！！！！！！！！
辰生：（得寸進尺）我知我知，你有腦架嘛！但無用姐！
我：（我頂！）丫！！！！！

記住吃『生煎包』，不用搣紙呀！唉。

法國餐．遺忘了的鎖匙扣

早前，大花筒小姐的男友把她留在香港，遠走他鄉(實質係去左工幹)。所以我們又來一個飯局，元朗開了不少的有特式餐廳，今次我們就試試這個法國餐。

＠這個是(燶燶)鵝肝配牛柳。食評：鵝肝我唔好的！不懂評，我只知好燶。牛柳好新鮮，好juicy！不過我覺得個汁麻麻地，不能帶出牛柳的美味。



＠咩咩咩（忘了名字）羊架。店主話佢地入既羊架好新鮮，提意最好不要吃太熟的，唯有聽他說啦！來到個羊好似得三成熟左右，不過好好吃！沒有穌味！而且不像羊咁囉！




我們只叫了兩種，皆因很多種都售罄，而且還想去下半場。總括法國餐是精緻的，但選擇真的不多，講完。

另外，遺忘了的鎖匙扣。
話說四年前，我弄了三個鎖匙扣（當年是二零零六年了）。一直都想給我的友，但多年來種種的原因，沒有交到她們手上，直至幾星期前才交到她們手上（她們還說質疑我是今年才弄的）。四年前的鎖匙扣，在我們手中還是好新淨的。

休閒．嘆茶．淒美的愛情故事主角

是日放假，休休閒閒的。先與父親去吃個早餐，其後再去行個街，好耐都未試過休閒，不像以前番學的日子，日日番學等放學，然後趕番兼職。來年應該不可以了?
昨天聽班主任說，不要做太多兼職，搵夠車錢與吃飯錢好了，連唱k的錢都不用賺了，因為來年你將會用short cut的方法來拿一個degree，你好好想一想你有否空閒時間去唱下k啦（咪嚇我啦！！唉！）我好想好好享受我的短短短暫大學生活喎！？

說回正題，下午茶時段與辰生去左嘆茶（外面還有夕陽的景色？）！！他相識滿天下，周圍都是豬朋狗友，可以帶我到朋友的地頭免費的嘆茶。聽聞呢位朋友，有一段好淒美！的愛情故事，而且是非常錯綜複雜又無可奈何的（即是看TVB劇集，進退兩難果種呢！）一直都想見見他的真人架喇（我聽呢段新聞時，好曲折離奇，好激架！雖然我不認識內裏的主角），今次終於都有機會了。在我幻想中，他應是好粗魯（！）、無禮貌（我估！）、唔講道理、好矮與不靚仔的（以上種種是我自己虛構的，好明顯是有偏見。）哇！今日一見，他的朋友與我幻想的是全部相反的，好酷！有禮貌？！串串貢就緊架喇（做辰生的朋友必定要串串貢！）而且重點係幾靚仔架喎！！最緊要係沖杯野飲好飲（雖然大型連鎖咖啡店杯杯都好似差唔多！）我的重點是想說，呢位朋友，應該條件唔差架？又何解會咁執著既呢？又何解會苦陷一段沒結果的感情呢？而且，我覺得他應該唔會輸蝕架喎（只是我的直覺告訴我！沒有理據可言！），但偏偏現實就是相反，唉，好唏噓呀！

下次又再去先嘆茶先。

是日兩句

是日兩句，或許朋友仔會岩用。

柏拉圖說：

人生最遺憾的，莫過於。輕易地放棄了不該放棄的，固執地,堅持了不該堅持的。


時間會慢慢沈澱，有些人會在你心底慢慢模糊。學會放手，你的幸福需要自己的成全。

是日幾句

往往不想勉強他人，但卻常常勉強自己。

我想有方法去清除不快的記憶。

我有許多的話想說。

緊記，必須有基本的尊重。

我覺得六歲既莫雪兒，比起廿幾歲既我...仲要識諗...唉。慚愧...

什麼時候不用再細數?

-------

剛巧在社交網站被我看到，這句。
Rxx Chxx and Hxxx Lxx are now friends.
我想知道，我的友，會否有點暗喜呢!?
還是已拋開一切? 嗯，我擔心你，你知架！

這年剩下的三分一。

已是九月了，這年剩下的三分一。
接著的三分一會是怎樣？
是快還是慢；是閒還是忙；是悲還是喜呢？
只剩下的三分一，不可白過。
無論怎的，都要好好享受。
過去的三分二，是難走的。

秋天來了，習慣了沒有？

小學同學

大花筒小姐早一陣子撞見了一位小學同學，聽聞她將會在來年結婚(巧合地她竟然是另一位友人的親戚)。雖然大家都住左同一個村屋，見面時有點點頭。但說到熟又不是喎?(曾經在小學生時，都一起玩過的，後來的十年都沒有傾過計，算是嗎?)而大花筒小姐就約了她見面，又叫了我一起參與喎? 我好驚呀!（去到會唔會無野好講架?）佩小姐話，我同佢細個果時有仇，雖然大過左沒有問題，但沒什麼可跟她說喎！（她就已經拒絕唔去喇，咁我應唔應該去呢？）

她們不約而同的說，我不像會驚見到陌生人的人，哎吔！是你們覺得我好豪邁（！）之嘛，其實我係會好文靜架囉（只係去到臨場唔通咩都唔講，由佢靜英英咩？）。識了十幾年，宜家已經是十年後喇喎，又無同班、又無聚過、又無共同嗜好，咁應從何入手呢？真係要今晚先知。。。


-我等了兩小時‧‧‧唉。

真正的學生

自從開學第一天沒有上課，今個星期終於都上學去了（做一個真正的學生），但又原來學校的上課時間真的好鬆好鬆囉(或許是因為還未真正上課?)！而且我又未識到啲新朋友仔（好驚呀！？會唔會俾人杯葛架？哈哈。）另外，沒有上班已經成個星期了，真的好正，雖然比平時悶了一點，但係不用日日坐係公司，看多一排功課是怎樣，我就要繼續兼職的生涯。

沙田的學校好像比較新一點，但是真的不夠青衣咁大囉。

雲小姐與B先生

傳說中....的極度主動男友！！終於都可以見到他的盧山真面目。

咳咳，清楚說明一下先。早前皆因雲小姐上班那裏的同事，看不過眼她斯斯文文、又淡淡定定、又大方得體而又廿幾歲囡都未拍過拖，本著皇帝唔急太監急的心態，急急腳的進行一連串的推介筍盤大行動。經過幾次的益智活動，男方私底下積極的進攻（？！），終於都打動芳心！（yoyoyoyo!!!)我們的內向雲小姐戀愛了，嘿嘿！！！(我說得咁詳細，雲小姐..會否打我呢？唔理啦，開心野來既。)
然後，他們就恩恩愛愛的生活下去(去遊山踏單車、去玩水遊船河，多姿多釆的，哈哈。)
到了今天，那個衰野拍完拖後才（順便！！！）帶這位男友來見見我（！）。早前k小姐都已經見過，我就到今天先認識到，唉，比ｋ小姐遲一個月囉！！！！唔打緊，有得見下，唔好收收埋埋！！嘿。
頭一次見，那位B先生(我正式給與他一個名字，哈哈)，常常好體貼的看著雲小姐。咦....好鬼肉麻。(雖然我常直話直說，但係呢，人家咁恩愛，我當時當然沒有說出口啦！)
k小姐: 你游完水又吃芝士蛋糕，又吃腸粉，好肥架，唔準吃。
雲小姐: 又係喎！但我好肚餓喎！
B先生:(含情默默的看著她)唔緊要，啲芝士會將住個胃，等你吸收唔到其他野，你放心吃啦...唔好餓親！
（哇.....真係呢！夠哂啦！飽哂啦！哈哈哈）
初次見B先生，他都好多說話，岩喇！咁先岩雲小姐，她是你不說話，她又不說的。他不斷說呢，雲小姐就會繼續答的，嗯，他們好快結婚架喇！（學馮少爺話齋，又要儲定人情，做份大禮！唉。）

暫時呢，B先生都過到我與k小姐這兩個關口(關咩事呢?唔知遲下他見到馮少爺呀、T少爺呀果陣會點呢?)，馮少爺會唔會問人地，(你同雲雲拍拖，有無問過我呀?)，而又唔知B先生會點答呢，哈哈哈哈哈。

好邪呀！

電話中...
我: 雖然馬季開籮...但週末都應該出去陪我吃個下午茶丫！
馮少爺: 我好忙..
我: 星期六日放假都忙，咪扮野！
馮少爺: 今日要番公司整野呀！
我: 好快放工既姐...
馮少爺: 仆街，我未知幾時放到工呀！
我: 哎吔...乜咁慘呀!我吃先囉..
馮少爺: !@$)$&!)))@@@!!!!__#((#$$#
我: 哈哈哈哈哈哈....
馮少爺: 頂你！！！！！

（嗯，以上對話是上星期在我的夢境裏出現的）
週末那天，與k小姐吃晚飯，本想約馮少爺一起的，但聽k小姐說，他要上班喎！哇....好邪呀！
好囉好囉！有報應囉！等他之前常串我週末都要上班丫嗱！
好想發多幾十個夢是他要上班的（極度邪惡！！！！！！！）
又或者，我發一個夢，夢見自己可以嘆世界同埋不勞而獲丫！！（好梳乎既呢！！～～）

世界日日在變

早幾天遇見了佩小姐，她不停叫我約吃飯，說大花同小姐會辦事不力（會約到下年先有機會再見？！）哈！誰不知今天晚上，她就很有效率的打電話給我了。自從有了手提電話後，打家中電話找我的，應該只有兩至三人。她十年前記下我的電話，近年每年都會打一次到我家中（皆因我手提她記不起還有我手提號碼難記喎？！）

談了一陣子，駁三線給佩小姐約吃飯，又不禁令我想當年。細細個最喜歡駁線與幾位朋友一起談電話，轉線等候的鈴聲，很久沒有聽過。現在的我們懶得很，有時候，我自己都會很懶的連電話都懶得打，盡可以都會少說話（不用解釋或說太多，要簡潔點？！）。約人用訊息、約吃飯用msn、約活動社交網站，遲一點，好可能電話都會被淘汰？！

嗯，世界日日在變，誰可以說不可能呢？好多事、好多的物件都會因時間和科技而改變、淘汰、替換，很難去分好與不好，只是你接受得多與少。我興幸的是，我們的友誼，不會這樣改變、淘汰、替換，就算每年只見一兩次，都可以好親厚。剛聽到大花同小姐說「我見你(避風堂)，有提你讀番書喎？」咦，原來我們不見面(自從我生日後都沒有聯絡過了)，她都會知道我發生的事。又原來，這個網站都密密地幫我與友人聯繫在一起(或者說令她可以知道我的日常近況)，我的喜與悲，都暗暗地告訴了身邊的人。之前曾經有一刻好想、好想將這網站暫停或不會繼續下去。但看來，我應該繼續下去！！（下雨天，情緒與感慨都湧出來！？）

記得，有某位看過我的文章後，說有好深的感愛，又好窩心的說「下雨天，當然要去避風堂啦！」
（嗯，對，這確實是我的避風之處）

致命弱點--壞脾氣

你的脾氣真的是很沖，而且從來不知道加以掩飾。你心情好的時候，看人就會格外順眼，而且對人是出奇的好。要是你心情不爽，就會把板起一張臉，而且在你的四周會散發出一股陰冷之氣。這還好呢，要是趕上你心情極差時觸怒了你，你可一定會不分場合的發作一番。這樣很容易得罪人的！雖然你只是性子直了點，並沒有壞心，但是碰到心胸狹窄的人，很可能會懷恨在心，背後捅你一刀的。要明白，這世界不是圍繞著你一個人轉的，也要懂得站在別人的角度想一想。再說，"己所不欲，勿施於人"，你真的做到嗎？

我的暑假

鐘聲響起，又是時候開學。
正當每位好學生回校上課時，我才剛剛開始我的短短短期暑假。九月一日正式休息一下，不用再回辦公室。不用朝朝開門、不用等老爺電腦乖乖地運作也不用聽老闆囉囉嗦嗦，好美好的新開始。
對的，明明九月一我是要上學的。但經老爸老媽引誘我北上，就就...逃學了！嗯，一個好學生是要第一天就逃學的，用三個鐘的車程去換一個半鐘的廢話。哈哈，我就決定好，去家庭樂。

還有幾天的暑假，好好享受。

陌生

看起來才發現，我不太了解你。