你會演嘛？

C.K: 女人會為左啲唔應該煩既野煩!
Miss: 咁女人就係咁架啦!
C.K: 咁明知煩黎都無用架喎!
Miss: 都會擔心架嘛!
畫畫auntie: 唔好太煩，就得架喇!
C.K: 係喇，你就明白呢個道理呢~
Miss: 點為知煩唔煩呢？咁我算唔算煩啊？
C.K: 下...
畫畫auntie: 嗱，阿sir，問你miss煩唔煩呢!呢下就考你演技喇！！！
Miss: ？！？！？！！！！
C.K: 哈哈哈哈哈哈.......
我:（心想：真的好高招！活得久了，真係會知多一點。）

關於。生病的小感想。

有試過生病吧？每次生病都會想有人照顧，奈何種種的原因，都會令自己事與願遺。

曾經想過，病的時候，有某位伴著去看醫生，
在你左右照顧著、
在你病到手軟腳軟時送上一口熱熱的白粥、
在你感到淒涼時給你一些依靠，
這等事是何其浪漫呢！！(明顯地，我看得電視劇太多)

但現實生活裏，有幾何咁浪漫呢！！
還是自己乖乖地去看醫生吧。

「莫逆之交」

「莫逆之交」是指「心意相合」，情意深厚的朋友。
根據教育部國語辭典的解釋，所謂「莫逆之交」，為「心意相投、至好無嫌的朋友」；
「莫逆」則是比喻「朋友要好，彼此心意相契合」；
心意契合與心意相投指的是彼此在性情、觀念上的投合。

心意契合與相投，真的很困難，
幸好，身邊有幾位這樣的「莫逆之交」。

現實的可怕

愈來愈知道，現實的比以為知道的現實更可怕，更無情，
向好方面說，只是自己看得表面，
不過，很多人就是會為了少事很執著，包括自己，
但願自己不斷提高對事情的包容度。

感慨於現實

前陣子，因為功課上想找幫手，就與很久沒有聯絡的菜小姐談了一會。談了一會兒，有少許的感慨，想記下來。她人在他鄉都已經九年了，在美國留學，住在親戚的家裡，很多事都靠著自己去完成。父母不在身邊，親戚做了本份，但奈何有很時候不能照顧許多。菜小姐就可能這樣，習慣了做什麼是靠自己，不可能定當時人的想法(但至少，我覺得她比我以前認識的她，成熟了許多)。問她的近況，她已經完成學業大半年了。因為簽證的日期，所以決定在外地吸收一點經驗才回港。

期間，我說，不經不覺，我們認識已經是第十一個年頭了（又，回想當年）。她說，她身邊的人都說她現實了許多，很多時候太過計較。我不明白，以我知道的，不是這樣。如果真的是，都是因為人大了，許多人都未必能夠完全信任，再加上在外國久了，習慣了所有事都自己顧自己，才有這個心態。說著說著，原來不是錢銀方面，原來是感情方面。說到這裡，忽然感慨，感情變得現實，有點唏噓，典型的討論話題"愛情與麵包"，能否共存呢？她說，看見她的表妹，在求學時期拍拖，很幸福，看見她會很快樂的。是的，兩小無猜的，沒有錢銀的牽掛，每天只為著上課、聽一點書、等待放學、留在學校，與情人談談情、與老友說說笑、一大夥兒做做功課、打打球、聊聊天。這樣就一天了，這些日子，面對著社會，往往都成為好美好的回憶。

曾經問過某位，平時你不喜愛說話，那有什麼小事你喜歡做的？""一大夥朋友出來工作，偶然出來喝一杯啤酒、說兩句粗口舒發一下、看一場球賽，簡簡單單的已經是好愉快好享受。""

嗯，找緊眼前小事細微事中的快樂，也是一種享受。
正面一點，將來都會有很多的快樂形式與享受等著我們。

對話: 換床。

事源，辰媽見政府派了六千元，想為兒子打造一個更好的房間，用這筆錢給他換張大床，也造就他獨霸一間房(好羡慕呢！)。辰生不停地打他的如意算盆，（又想整呢個，又想整果個）務求不給任何機會辰姐會回來家中住，而自己就"爽丫丫"地獨佔房間，每日可以攤在他的小天地。（他的姐已經是一隻無腳的雀仔，已經很少回家睡的）

辰生:（隻手叉頭的、生意失敗的樣）吼！！！！我個獨霸房大計無左喇！
我: 下？！？！唔好講好數喇咩！？
辰生: 明明揀好架喇！我都諗好點擺啲野，就好哂啲位架喇！
我: 咁問題任在呢?!
辰生: 我想訓上面，部電腦擺下面架！
我: 咁咪無問題囉!
辰生: 老爹話無位擺啲野！佢要有多一張床放野啊!
我: 下....床係用來睡架喎！
辰生: 我要獨霸間房啊！！！！！！！啊！啊~~~~~~~~~~~
我: 我明我明!（這個大計他想必是密謀了很多年！）
辰生: 跟住我阿媽又問，咁咪無位俾家姐訓囉！
我: 根本一早已經係啦~
辰生: 我家姐本來撐我架！
我: 咁咪無問題囉！(又要說這個對白)
辰生: 我阿媽再講，家姐番來無得訓，唔得喎細佬
我: 哈哈哈哈哈........
辰生: 呢句連我家姐都打動埋啊！
我: 唔係丫~~好溫馨喎！
辰生: 你有無諗過我啊！我點算啊！佢地溫馨還溫馨丫！
我: 無計喎！
辰生: 佢地一下母女情深，我間房就無左喇！
我: 怕咩丫~ 有家姐陪下你啊！
辰生: 佢地玩（烚時感動）啊！咁我計劃左咁耐，有咩用啊！我大個架喇！洗咩陪啊！
我: （我好想說佢底死架，因為做得衰野多！！哈哈哈！但沒有。）唔緊要既唔緊要既．．．
辰生:　佢地兩母女玩我啊！
我: 哈哈哈哈.........
辰生:　佢地兩母女玩我啊！你明唔明啊？！？
我: 我明啊！
辰生: 佢地兩母女玩我啊！吼~~~~~吼~~~~~
我: ．．．．．．．．．（然後，這句對白再持續了好幾次!）

**他被家中兩母女玩，但我也做了受害者啊！
哈哈哈哈！往後他也"鵝"了不少次！

嗯，未知獨佔一間房，有何感覺呢？
從小到大，都是與邪惡軸心同一間房。
如果，自己擁有一間房時，夜裡會否有點害怕呢？

對話

天小姐(大學同學，第一次出場): 喂~呢排你成日都周圍去，周圍打咭喎!
高先生: 無啊無啊！（呢種語氣，明是扮野，免得被大家追問！)
天小姐: 又去韓燒，又去睇戲噃你！（不是省油的燈）
高先生: 都係係香港打下咭姐，嗱嗱(向著夏小姐)~~如果你男友話係打咭係日本既話，就話驚姐！(他~~成功地轉移話題)
夏小姐: 下下....咩日本話？
高先生: 我話如果你男友去左日本啊，你會好驚！
夏小姐: 妖...(又有好爆的說話，哈哈哈) 佢個friend震左番黎啦！！
高先生: 下下....咁你咪好嬲囉！
夏小姐: 佢地好friend 架，由小學識到宜家喎！無計架，不過佢仲要靚架喎！
高先生: 咁你有無禁固佢啊！
夏小姐: 禁咩丫，佢地都去過食飯啦！
高先生: 嘩~~你有無想掩左佢啊？！？！
夏小姐: 超~~~~人地有男友架喇！我先俾之嘛！你都傻傻地既~~
高先生: 咁你話佢靚架喎！
夏小姐: 係架，我都好唔鍾意架，妖~~~快啲震佢番去!
高先生:　哈哈哈．．．．
夏小姐:　如果唔係果個女仔有男友，我掩左佢好耐啊！你當我流架！

全程我只在旁邊聽，好搞笑！
也愈來愈喜愛夏小姐的敢怒敢言，好難做到的。

總結: 安全感，係好受外圍因素影響的。