八個交心好友

我: 我記得呢...我以前細個好有心機咁打過一套叫做"18個重要的你"架...
友人: 嘩...有無我份架?
我: 有呀有呀..你係第十八個..
友人: 咁慘既...排第十八...
我: 排名不分先後架...只係十八歲果時同你開始熟，第十八個係你囉!
友人: 多謝哂喎!

說真的，與這位友人從認識到熟悉都好奇炒。這位友人平時跟很多朋友玩樂，但事實上，都有不少心事的，而懂得(關心人的我)，好想知道那些人對這位友人而言才是能真心交流呢?

我: 其實咁多朋友，究竟有幾多個係交到心架?
友人: 真係交到心既應該只有八個!
我: 我唔了解你，但等我試下數下先...
友人: 阿B...阿A...都係架! 數左七個喇...
我: 咁仲淨一個喎!?
友人: 係呀...
我: 邊個黎架? 好似有,都數哂啦!
友人: 你估下啦....
我: 我同佢熟唔熟架?
友人: 都幾熟既...
我: 下...男定女黎架呀?同我熟既?以前同班架?
友人: 唔知呢? 係同班架...
我: 俾啲提示啦...
友人: 唔喇...你估多兩個我開估喇!
我: 俾我估多幾個先啦! (心想: 數了七個人，為何沒有我份呢? 一會兒後要發怒先得。)
友人: 你好苦惱咁喎...估到未呀? 顏小姐...
我: 丫...竟然係邊鬼個咁利害我估唔到架!!!?
友人: 果個咪你囉...顏小姐...
我: 丫......哈哈!!
友人: 我一早講過你聽架啦!
我: 又好似係喎

其實我聽到後，好愉快的。
怪不得，常聽到「好朋友既野在心中」的。
我會好珍惜身邊的每一位。