對話

昨日實牙實齒的說了將辰生的變態的言論放上來，但回到家中就忘記了。今早記起來，要快快紀錄。

說話我們正在他姐姐公司附近享用下午茶，剛好有一位他姐姐的同事經過．．．
辰生: 咦，我家姐公司請左個新人既？
我: 你去識下佢囉！
辰生:　個樣好細個咋喎！（附加資料：身型都好嬌小，矮本人一個頭？！）
我:　妹妹仔易呃呀，岩你。
辰生:　好似幾正咁喎！
我:　去啦！
辰生:　丫，我家姐有正野都唔話我知既。
我:　宜家咪俾你見到囉．．．
辰生:　唔得喎，咁細個，啲『體位』會唔岩架喎！
我:　．．．．．．．．．．．．『體位』？？（喪笑....）
辰生: (自己說完都忍唔住笑) 你係咪有啲誤會呀？
我:　我都無講啲咩！
辰生:　我意思係身形上姐！
我:　但你係話『體位』喎？！關身形事咩？
辰生:　你唔會明架喇！
我:　係既係既，但我一定會放上blog，仲要開埋名，等其他人幫我解答囉!!（繼續喪笑....）
辰生:　你千祈唔好呀！
我:　放心無事既，好快會有答案。


過了一會兒，

辰生：你真係誤會左呢！
我：我都無講啲咩！
辰生：咁唔好放係Blog喇。
我: 講得出怕咩姐？我諗會有人明你既『真正』意思既！
辰生：．．．．．．．局住屈馮少爺話佢教既！
我:　我相信佢唔會幫你，有咩理由無端端你會講得出『體位』呢樣野架？？（救命呀！）哈哈哈哈哈哈．．．．