與學生的對話

為玩耍作出努力，找到多幾份兼職。
繼續我最有興趣的兼職，為人師表（實程是：誤人子弟？！）。

（當天，學生正在埋頭埋腦的對著我給他的試卷。他用間尺小力的"烤"自己的腦袋。目的應該是希望自己記得怎樣做那些題目）

我：唔好"烤"個頭啦，會變蠢架。
學生：我好細力咋喎！
我：都會變蠢架！
學生：（他的反應，真的好像我！！）下！真架？？？
我：（他的樣子告訴我，他信到十足十）係呀，會乜都唔記得架。
學生：（好認真的表情）咁我唔"烤"喇！
我：咁就乖喇！
學生：（再來）乜咁"烤"真係會變蠢既咩？
我：（繼續令他相信）係架！！信我啦！
學生：我真係唔知喎，可能我地""常識科""未教到啦！！
我：（不停的笑，但誠懇的說）係咩？！
學生：（傻傻地說）係呀！老師都無講過！！
我：（十惡不赦的老師）嗯嗯，遲啲會教架喇！快啲做卷啦．．．．．

再來一次，我正教學生ｉｎ、ｏｎ、ａｔ的用法。

我：除了in the morning同afternoon之外，in仲可以解作裏面的。
學生：姐係筆袋裏面，就用in喇。
我：岩喇!
學生：好易姐。
我：好，咁做呢張紙俾我啦。
學生：（第一題未看完已經說）唔識呀miss!!!
我：你睇清楚啲先。
學生：真係唔識呀!
我：（We have lunch _________ the canteen.）意思係，我們在飯堂乜乜吃午飯呀？？！
學生：（真的有點傻）下．．．．？
我：我地係飯堂邊度吃飯架！？？
學生：（只用了零點二秒就答我）廁所囉！！！！！！！！！！！！！！！
我：下？？？！！！　廁所？？？
學生：（他說了後，都喪笑！！！！！！）．．．．．．．．．
我：點解你會答廁所？？？？？？
學生：答錯左呀！
我：得ｉｎ、ｏｎ、ａｔ揀，你答我係廁所食野？有咩可以食呀？！！！
學生：我都唔知呀！

這位學生是二年級，好型仔的，比將軍澳吳尊還要型，白白滑滑的（我說得好像色狼一樣！！），又不會駁咀、又不會走來走去，而且做卷都非常爽手。嗯嗯，說到尾如果他不可愛的話，我早就把他幹掉了。