三姑六婆

經常在等life的時候遇到三姑六婆，她們像患了口部活躍症的。在一分鐘的升降機上落的時間，可以一口氣問你一串的問題，重點是對她(當然是師奶)沒有任何一點的利益，而且是很無聊很無聊的對話。我從來都不怕去應酬一年才見得一兩次的親戚朋友，但我怕隔天就應付這些不熟而又(太過)八掛的滋事份子(隔離鄰社)。
滋事份子: 咦...你宜家番工定做野呀?
做野喇...
滋事份子: 係邊度番工呀?
中環囉...
滋事份子: 番幾點放幾點呀?
番十放六
滋事份子: 有無9K人工呀?
無咁多...岩岩出黎做野咋!
滋事份子: 又岩既，儲多d經驗先囉。
滋事份子: 星期六洗唔洗番呀?
長短週囉..
滋事份子: 咁都好丫，有無雙糧呀?
應該無...
滋事份子: 花紅呢?
我諗有呱...
滋事份子: 我個囡份工有花紅有雙糧，福利都幾好...
哦....

(心裏: 頂你個肺丫，做乜春問咁多野呢?)
如果你是我的朋友仔或有禮(識做)的隔離鄰社，當然我會好好語氣的回答你問題。但這些滋事分子問到最後還加以曬一曬你女兒那份工的威水，夠了沒有?最怕還是一兩個星期後，你再遇見她，又會有相近的對話，那才是最頂的!