師奶"炒燶鹽"

我一直都深信媽媽不會成為搶鹽的一份子，因為她永遠、永遠都係好後後後先知道這類新聞的。而且，她絕不是喜歡搶野與排隊的師奶來的，我從不擔心她會拎十包八包鹽回家的。但，原來媽媽不搶購﹐，也有身邊朋友為她籌謀。

Dad: 你阿媽有問我屋企有無鹽啊!
我: 下....唔係嘛!!!佢唔會去搶果啲黎架wo!?
Mum: 唔係啊唔係啊!我知道果陣都俾人搶哂好耐啦!(嗯，這才是我媽媽)
我: 咁你又問既!
Mum: (她做倉的，要幫手計住個貨倉有什麼食材不夠用的)我幾間分店啲同事都要傾同搶啲鹽番來做儲貨啊!
我: 都係啲師奶既威力大
Mum: 我個同事都搶左包俾自己啊!
我: 下......
Mum: 係啊!! 佢果包廿五斤啊!!
我: 下.....要搶都唔洗搶咁多呱！！
Mum: 驚死會蝕架佢，又要怕人話佢蠢喎!
我: 佢跟本就係丫
Mum: 佢話我地分左佢喎!
我: 下.......廿幾斤，兩個人分!!痴線架!!
Mum: 唉，係啊，
Dad: 你唔好拎丫嘛!!
我: 係囉，邊有位放呢!
邪惡軸心: 叫佢自己食埋佢啦，包咸包多碘啊!
Dad: 等佢自己要哂，等啲鹽變蟹貨，俾佢試下咩叫做 "炒燶鹽"丫嘛!
我: 哈哈哈哈哈哈.............可能到2018年又會有個高既水位可以放呢！
Mum: 唉，今次慘喇！！