天生冧囡狂

畫展時，識到一位畫室的小朋友名叫Mario，是一位天生冧囡狂，他只有三歲。他媽媽說，沒有教過佢如何與朋友或比他年長的人說話，但是他的話上至八十歲的婆婆，下至他的同班朋友仔，都十分喜愛他，年幾小小已經氹得身邊的女性開開心心。

為何我會知道呢，以下是我聽到他與一位part time miss的對話。

Mario: miss你好靚啊!!
miss: (呢句野女仔一聽到，已經笑哂)係咩!!?
Mario: miss你真係好靚啊!! (一邊貼近miss)
miss: 你都好靚仔啊!
Mario: miss你真係好靚啊!! 我好鍾意你啊...
miss: 哈哈哈....
他媽: 佢把口真係可以氹死你架!!
Mario: miss，我好鍾意啊!!
miss: 你鍾意我多啲定媽咪多啲啊!!
Mario: 我鍾意你，又鍾意媽咪...(一付很樂天的樣子，叫人看到會笑出來)
miss: 哈哈哈...唔可以架，要揀一個!!
Mario: 媽咪我好鍾意，miss你又好靚，我都鍾意。
他媽: 你唔係有女朋友喇咩係學校!!??
Mario: (想了一想，有點尷尬被踢爆) miss你好靚啊!!我要你同我去街(立即抱著miss)
miss: 哈哈哈哈....女朋友靚啲定我靚啲??
Mario: 個個都咁靚!!!
miss: 佢一定靚過我啦!!
Mario: 唔係啊，唔係啊....你好靚啊!!
miss: 好啦好啦，我陪住你打機啦!!

然後...
他媽: 我地要同家姐去玩具反斗城喇!!
Mario: 唔去啊唔去住啊!!我要miss啊!!
miss: 你快啲去啦，下次再見啦!
Mario: 我要見到你啊!
miss: 哈哈哈哈....成日都見架啦!
Mario: 唔得啊，我要你係度啊!!
miss: 乖啦!!
Mario: 唔得唔得...
他媽: 帶埋miss去啦!!
Mario: 好啦....(接著拉著miss就走)
miss: 我要番工，唔得架!
Mario: (開始想哭) 我要miss啊....我帶你去!!
miss: 哈哈哈....
Mario: 我要你啊...
miss: (當時他的樣子，真的可愛到極，又有點怕羞的)哈哈哈哈....
Mario: 我要你啊...我要你去啊...我帶你去啊...

哈哈，大家聽到他的話，都歡喜萬分。他媽說沒有教過他任何氹人的說話，就像他天生知道這樣會令人開心，就樂於說話，令身邊的人都快樂。他媽說他性格就是這樣，又會懂遷就別人，又不會大呼小叫與他的姐姐又是兩種的性格。他就是天生受人喜愛這樣說話，又好像懂得令人喜愛。嗯，這些小孩讓大家都好歡樂，令媽媽也小一份擔心，真好。

你會演嘛？

C.K: 女人會為左啲唔應該煩既野煩!
Miss: 咁女人就係咁架啦!
C.K: 咁明知煩黎都無用架喎!
Miss: 都會擔心架嘛!
畫畫auntie: 唔好太煩，就得架喇!
C.K: 係喇，你就明白呢個道理呢~
Miss: 點為知煩唔煩呢？咁我算唔算煩啊？
C.K: 下...
畫畫auntie: 嗱，阿sir，問你miss煩唔煩呢!呢下就考你演技喇！！！
Miss: ？！？！？！！！！
C.K: 哈哈哈哈哈哈.......
我:（心想：真的好高招！活得久了，真係會知多一點。）

丁點兒的藝術天份

我: Have you see my pictures?
會計同事: What?
我: I am learning oil painting.
會計同事: Oh...really! Let me see.
我: This is the least one.
會計同事: You draw this ？？？？
我: Sure.
會計同事: You are joking....


已經習慣了，每當說給身邊的人知我去學油畫，他們都會表現出十分驚雅的表情。究竟是因為什麼呢？我估是因為大家都不覺得我有這種(藝術)天份，也不會好那麼文靜的一項興趣。如果我說我去學柔道，可能他們的反應沒有那麼大。最記得邪惡軸心聽到我說要學油畫，他問: 「你發燒呀? 」。還有，每當我拿出我的作品時，人人都會用好奇怪和鬼異的眼神看看我的畫，再看看我。說: 「呃得下人喎，係邊買架? 」。雖然你們不信，但現在的我信我自己是有丁點兒的藝術天份的啊啊啊！！！

右圖是我最新的作品，四個字形容：栩栩如生。哈哈！

由"月亮說"到我的畫

王菀之說：「無論湖有幾平靜、有幾靚，我個人覺得湖係代表哀傷，永遠都咁有詩意。我覺得湖水係山脈流既眼淚，而聚集成的。上年既今日，我坐係湖邊，我寫左"月亮說"既詞。」就是她的這番話，給與我靈感去畫我的創作畫"消失"。

--------------------------

週末到畫室，狀態非常良好。不用太多指示，自己有自己的想法去做和表達。沒有框框的限制，去畫你想畫的，好自由。只是畫點點的湖水都聚精會神的，沒有任何雜念的。C.K說:「你開始識畫畫喇! (我應該要憤怒的嗎? 哈哈)你會著重一些虛無飄渺的地方。」或者我真的開始為畫畫著迷。一邊聽歌、一邊畫，好梳乎的。

月亮說．說出無奈與感慨。
---------------------------

"叮噹"是i-touch! 我之前沒有說過嗎?

藝聚萬歲!

miss下次預我一起吃東西，早點致電給我，不用你們久等。遲了大半個小時才到達畫室，畫畫進步比較緩慢，沒有太大作為。可能是因為今天話題圍繞著我們的自助餐之行，大家都無心戀畫似的。另一方面，露芙小姐在畫室按一按櫃子，就把整在櫃在牆上拆下來，真強勁。C.K. 都被她的做法嚇得有點手足無措，看著整個櫃快倒下來，而裏面還有有好多書囉! 我又大笑起來，因為她只是按著櫃子一下，伸伸懶腰，便永久成為了畫室的"免費清潔女工"。因為她搗亂後很不好意思，不斷在幫手收拾周圍的東西，而且不需多久，真的全部東西是整整齊齊的，喚然一新的!哈哈...我都不介意她來我房搗亂後，幫我收拾東西。

今天miss跟我說，我們好像識了很久似的。對呀!我們應該在前世識落，今世遲了一點見面姐，不打緊。往後我們會不斷聯誼，保持關係的。就像露芙所說，半年前真的想不到會在畫室認識在幾位好傾而又有共同興趣的朋友仔。她還說我好鬼多野講，第一次來到畫室就聊她傾計(雖然我已忘記)。我真的要澄清，不合咀型的人，我是完全不會攀談的。而C.K是一位老師，老土點說!認識不久已經是亦師亦友的神人，真好。miss就更加不用多說了，兩個字"岩傾"囉。藝聚萬歲!

---------------------------


怪不得K小姐說看"就想賴著你"看到凌晨四點多。
我今天看到在公司大笑了出來，被同事問我幹麼笑?
那種甜蜜和搞笑法，真的超讚! (還有言先生十年來都那麼帥)
我覺得好過看"下一站幸福"的慘法囉!
有幾集我都想從看一篇，真的中毒太深了! 無可救藥。

友人說: 你搵到你既人生目標啦!
對呀! 要把所有台劇看完，多偉大呀!

創作畫:花條子

早前交待過我完成了一副創作畫，現在等我介紹它給你們認識啦!不記得是那時了，我工作的時候又想起畫畫，所以寫下了以下的一張字條。

我相信無人會明白條字裏的是在說什麼的(是的!是有的那個是奇人C.K，他還有幫我想應該怎樣演繹，很感動!)我重組了我的思緒後，由我來玩重組句子，告訴你們吧!
首先，我是想用彩虹來畫一副畫，而彩虹給我的感覺是快樂而又溫馨的。
雖後，畫的內容是想說出人心裏有開心/唔開心兩種應覺。
而且，我想做開心vs唔開心，而最後開心戰勝了。
用的技術是: 有點明，有點不明的手法(即是好懶有藝術感覺那種呢!!)
特式: 用多點線條去表達(曲線代表圓滑、溫柔；直線代表固執、不快樂)
交待了一切的心思給C.K後，我就照他的指示完成了"花條子"
(不要問我名稱的由來，我想了十分鐘，覺得這個最好，就用這個吧!)

看到這副畫後，說真你要我解釋，我不懂。但我感覺到這可以表演到我的想法，或許十年後我再看這副畫時，會有著更大的感覺。

與C.E.O對話

IVE年代(是上年的事，但我感覺是好久以前?)時，辣椒仔老師經常都會請C.E.O回到校內講課，但多數都是關於學科或功課的，而我這個small pototoes只是負責聽的(隨時走佬都可以)。如今我每星期都可以與C.E.O直接對話，由我直接發問問題，當堂升左"呢"...那個人就是C.K了(CK=C.E.O=畫廊的行政總監兼任打雜)，這個卓號我相信他只不喜歡最後兩個字，其他絕對可以照單全收。

序就說完了(一篇文章都要一個序，你威哂啦)，有什麼值得記下?
1.
我: 我唔想做一個笑裏藏刀既人，但做呢份工，我開始感愛到世途險惡?
CK: 無可避免架喎!當你咁諗既時候...就已經係做緊呢樣野...只係你過到你無咁覺姐..
(有點明..又有點不明...令我反思中...)
2.
我(拿著本教水彩的書看):好靚呀...miss你畫副俾我丫!
Miss(C.E.O的高級助理): 呢d唔難畫架喎!
CK: 呢d你一堂都畫到啦...
(我兩星期沒有見過miss了，我好掛住她!昨天畫室更熱鬧)
(謝謝..CK將我對自己的藝術天份值提升了)
3.
我: 我今日好似無乜mood畫畫咁(像仿藝術家的風格..哈哈!!)
CK: 做咩呀..俾老細鬧呀? 戀愛呀? 食唔飽呀? 你星期六黎多堂囉!
我: (雙子座性格) 過幾分鐘我會病好架喇! 你放心喎! 你唔洗對我咁好架!
(有曖昧的感覺，其實是我不好意思常常打擾，我想我會買多些好吃的東西進貢給CK與Miss的)
CK: 真架喎! 你星期六黎囉!
Miss: 你黎丫你黎丫!!我星期六都過黎先...
(好感動!!雖然與他們只識了半年/每星期見一次或少於一次，但遠比一星期見足五天的同事親厚...)
4. 昨天完成了一副創作畫，我很喜歡，表達到我不知怎表達的東西，詳細資料下次交待。
5. ＞＞＞＞＞＞＞＞＞＞＞我愈來愈喜歡畫畫。