對話：吸塵機．超人

我: 哇，呢舊野用來做咩！(形容下先：直立的、有一個像手指長的吸口，身是紅色，像一個微型的火箭坐立著)
辰生: 咪嘈住啦！（他正在看"重要野"！！）
我:(不理他，繼續研究) 丫~~吸塵機來架！
辰生: 岩架喇！係啊！用黎吸柒頭既！
我: 哇，咁岩你用bor！我走先！
辰生:　喂喂，唔洗咁驚喎！吸柒頭姐，睇埋先啦！
我:(呢位人兄，正在看超級巿場內售賣的DVD！！！！)夠喇！
辰生: 我之前搵到套超人好好睇架！
我: 幾多歲啊~仲睇呢啲!
辰生: 好好睇架，細個會睇到驚架！
我: 咁你大個啦嘛，唔驚就唔好睇啦!
辰生: 好懷念架。個畫面黑蚊蚊，有怪獸走出黎!勁野!
我：　套套超人都有怪獸走出黎架啦!
辰生: 呢套唔同架!
我: 嗯，明白，你慢慢睇。
辰生: 我上次睇果套勁啲!
我: 有幾勁呢?
辰生: 隻怪獸有把交剪係個頭度架！
我: (心想:哇，咁樣衰都諗到，係幾勁。基於唔係太好意思，無講到。)咁你搵唔搵得番丫？
辰生: 哎呀，搵唔番啊。但呢套都唔錯。
我: 買啦！唔好諗！
辰生: 喂喂喂，買俾我啦！
我: ．．．．．．．(走開...想去揀古古力，試想像超巿內買DVD會有多爆呢?!)
辰生: 好底架！超人來架！
我: 得！呢套嘛，買！
辰生: 哈哈哈....好勁架（細菌大戰一觸即發，超人要承受前所未有的重大挑戰）啊！
我: 嗯嗯嗯，我知道一定好精彩架，快啲番去睇呀下！
辰生: 好想快啲睇呀!唔知要睇幾耐既呢?
我: ．．．．．．．．．．

嗯，我有點想知道，他看完有什麼感想。
有機會我會再報道他的”看後感”。

鬱悶！

有一種說不出的鬱悶！
因為天氣？
因為壓力？
因為功課？
因為思緒？
因為某某？
因為自己？
我解釋唔到啊！

（我唔迫得！）

一萬字的畢業文章進入了最後衝刺階段，而我比預期的時間慢了很多。我承認自己做得慢，又不夠勤力。早前托舅舅去找人幫手改英文文法，因為比預期做得慢，心裡都害怕趕不切。他已經打來三次叫我快一點，頭一兩次都有點不好意思，到了第三次的對話已經令到我有點厭倦，我都明白要快，我也想快，就我寫不出嘛。今天又見到他，又跟我說同一番話，真的很燥！

我已經很緊張的做，幾天來都足不出戶的做做做。他還在身邊跟我說: 咁鬼無用架你，做得咁慢，八號交喇，你宜家都未做哂。對對對，我也懂計，我知我慢，不用你提醒。我知道要求你幫忙，也不應該多口，但我也很大壓力的。（咁大個囡都未試過一個人面對一萬字啊！！！係英文字，唔係中文字啊！我能力又唔係高！）催我也沒有用，我寫不出來嘛。我想要的是一點點的體諒，然而我也明白，不應該怪誰。心裡不停的想，還是不想求他人了，我自己的事，自己去完成吧，我真的不想再受壓迫了。始終都是靠自己吧。

結論: （我唔迫得！）
如果幫我，就不要迫我，
迫我，我寧願自己獨力去完成或什麼都不要。

這幾天都心情不好，我好想快點完成。
情緒很不穩。

對話

夏小姐: 我條佬真係好煩架!
我: 明白你既心態，但如果佢唔搵你，你會好擔心架~
夏小姐: 咁又係，但係佢煩小dd就perfect架喇
我: 無完美架!
夏小姐: 同一個時間，佢打十次，我都聽唔到架啦。又話我做咩十次都唔聽，佢幾分鐘內打，聽唔到就聽唔到架啦! 見到實打番俾佢架wo! 個電話係個袋度，佢響還響，我聽到還聽到丫!
我: 哈哈哈哈哈......你體諒下佢既緊張啦! (我與她男友見過一次面，直覺告訴我，他是好人，可以幫下)
夏小姐: 真係好"do"煩架!
我: 明白明白，冷靜少少。
夏小姐: 平時又咁鬼惡喎!
我: 但我覺得你head住佢喎，同埋老實講，佢怕你俾人搶左去丫嘛! （情況：夏小姐是一位好活潑、好獨立、思想成熟的女孩，而且樣子都不賴的;而她男友少肥，樣子有點傻，滿了解夏小姐，又與她家人的關係超融合的）
夏小姐:　咁又係啊！
我: 平時係咪多數佢都唔夠你拗既呢!
夏小姐: 無錯，未輸過！
我: 哈哈哈哈哈哈....咪就係囉，佢幾鍚你丫!
夏小姐: 咁又係既，佢都咪鬼指意夠我拗啊，除非佢唔愛我啦!

嗯，一語道破。
與夏小姐一起，常聽到好好笑的語言，哈哈哈。
她的陽光氣質，會感染周邊的人，會令人很愉快。

內斂的意思

沈穩內斂說穿了,就是多思考,少說話,
這可能很難訓練,
因為有些人天生性格急躁多話,你要他少說話,多思考,這很難,
有些人天生不多話,但你硬要他活潑,這也不太容易,這有時要看天生性格來決定。

另一方面也要看年齡,隨著年齡增長,認知變得複雜,人也會漸漸重思考,
話也會少一點,所以人家說年紀大的人性格沈穩,就是這個道理。

通常內斂沈穩的人懂得容忍一切,但是忍到後來,會容易不快,因為所有事都默默承受。

內斂沈穩未必有智慧,智慧是靠觀察和經驗而來,
有些人觀察力敏銳,自然看法精準,
活潑的人也可以有很高的觀察力,也是頗有智慧,
只能說內斂的人比較重思考,
重思考和有智慧是兩碼事,
有時思考太多,卻錯失良機和行動,也是不行。

嗯，內斂一點，多點思想，重思考會令自己有所進步。

師奶"炒燶鹽"

我一直都深信媽媽不會成為搶鹽的一份子，因為她永遠、永遠都係好後後後先知道這類新聞的。而且，她絕不是喜歡搶野與排隊的師奶來的，我從不擔心她會拎十包八包鹽回家的。但，原來媽媽不搶購﹐，也有身邊朋友為她籌謀。

Dad: 你阿媽有問我屋企有無鹽啊!
我: 下....唔係嘛!!!佢唔會去搶果啲黎架wo!?
Mum: 唔係啊唔係啊!我知道果陣都俾人搶哂好耐啦!(嗯，這才是我媽媽)
我: 咁你又問既!
Mum: (她做倉的，要幫手計住個貨倉有什麼食材不夠用的)我幾間分店啲同事都要傾同搶啲鹽番來做儲貨啊!
我: 都係啲師奶既威力大
Mum: 我個同事都搶左包俾自己啊!
我: 下......
Mum: 係啊!! 佢果包廿五斤啊!!
我: 下.....要搶都唔洗搶咁多呱！！
Mum: 驚死會蝕架佢，又要怕人話佢蠢喎!
我: 佢跟本就係丫
Mum: 佢話我地分左佢喎!
我: 下.......廿幾斤，兩個人分!!痴線架!!
Mum: 唉，係啊，
Dad: 你唔好拎丫嘛!!
我: 係囉，邊有位放呢!
邪惡軸心: 叫佢自己食埋佢啦，包咸包多碘啊!
Dad: 等佢自己要哂，等啲鹽變蟹貨，俾佢試下咩叫做 "炒燶鹽"丫嘛!
我: 哈哈哈哈哈哈.............可能到2018年又會有個高既水位可以放呢！
Mum: 唉，今次慘喇！！

對話- 失敗的識女仔方法!

多咀的高先生，常常都有很多事情八給我聽，不用我問，也有八掛野聽下，很好。


高先生: 我見到一個馬會既男仔截住一個馬會既女仔問佢拎電話，D對話笑爆嘴
我: 咩事呢!!? (通常他說這句話，就會野聽!!)
高先生:
男:可唔可以俾你電話我啊
女:唔可以BOR，我要走喇
男:唔好走住啦，你住邊架
女:咁你又住邊，不過睇你都係住荃灣，咁我答你，我都係住荃灣啦
男:你咁樣既，咁樣唔得架喎
女:我走喇，係咁啦
男:唔好走住先啦，你信唔信我特登打去馬會投訴你，我知你職員號碼係XXX架
女:好啊，你咪去投訴
然後個男就講埋一大堆佢自以為好好笑既笑話
但我企係隔離真係呆左

我:痴線架.............. 個女仔既做法，真係好好笑...個男仔係底俾人拒絕既....
高先生: 哈哈，佢地又搞笑，完全無視我既存在，咁識女仔既方法都係第一次見
我: 佢既勇氣我係佩服既，但成功率比較低囉
高先生: 哈哈，我只可以話佢無腦，返工坐咁耐都拎唔到個女仔CONTACT
我: 係拎都拎FB先啦，一開口問拎電話，一定唔會俾-.-
高先生: 根本唔使拎，馬會個範圍好細之MA，識左下次返工都好易會撞到，到時再慢慢吹陣水，食飯一齊坐下，隔多兩三次熟D喇先係FB，MSN入手，咁就自然好多，第一次就咁心急，係人都知你係餓狼啦
我: 果然係好有經驗bor你
高先生: 其實我都係推測下姐，哈哈
我: 原來係咁，都好似幾work咁bor...
高先生: 係咩係咩，原來真係得架，我都唔知，我吹下水架咋
我: 夠喇
高先生: 你都唔信我咁衰既
我: 好難信你，我又唔想講大話wo!!

哈哈，身邊愈來愈多高手。
我相信，他好容易會與馮少爺做到朋友。