試下見工

大大話話在這間公司工作了五年!
開始有點滑牙了....
每天好像對著同一樣的事物...
面對好多無聊...無意義的報告....
好像常常雲遊太虛....不知怎的....

早幾天...聽到老闆一句...
"The Door is Open"
嗯....一間公司無左你...無話唔得架!
好像員工都不被重視了!
我知道，是時候執下CV...
出去外面的世界看看.......


今天下午...去了一間做APPS的公司見工....
與那位公司的Founder談了近一小時!
是一位開明的老闆....感覺很重視員工 (大多因為，識得做APPS既人好小架！)
很想自已做到對員工好....但又要平衡工作及私事兩邊...
身為老闆...對住盤數, 要兩邊都到好好都不容易....
雖然佢都未必請我，但可以傾談下...都有得著....

精神健康急救班。

對患情緒病，有著很深的感受。
只知道當時人會很痛苦的....
但旁邊的人...不論怎麼做....都好像不能理解....

----------------------------------

近來工作上剛好有一個機會...
參加了一個課程，教導學員關於情緒病...
以及面對身邊的人可能患上情緒病.....
你在旁邊可以怎樣處理.....

第一課...

教導我們的阿Sir是一位有二十年經驗的政府精神科醫生...
阿Sir先叫我們認識身邊的同學仔....
之後每個人介紹自已...再做了一輪的暖身的閒談....
只是介紹已聽到原來好多人都關注到有情緒問題...
面對身邊人的人有情緒病...最愛的朋友自殺....
真的好傷心痛心.....亦都好無助...
雖然好像很普通的交談.....但...要發現或察覺身邊的人的問題...
就是這樣普通的一回事.....
原來精神病，都是都巿病的一種(或者生活太壓迫了)。


---抑鬱症---
下年...抑鬱症將可能成為社會第二大疾病....
阿Sir的教了很多怎樣留意身邊的...及他遇過的case!!
#病人拆光管插喉自殺...
#用病床的高低升降令自已氣絕
#生吞牙刷...咬脷....

感受很深，這堂課很有得著！
期待下一次的課堂！

拾荒者…(辦公室) 引爆核彈！

有天，我正想趕港囡同事回去她的位置，就借意請她吃一顆芋頭酥，待她滿足地乖乖回去(她很貪吃，一定成事) 。正好，拾荒者經過 …..(拾荒者與港囡同事常有過節) 。

我: 喂! 食舊芋頭酥..
拾荒: 我都唔鍾意食芋頭既….(拾荒一樣很貪吃的)
我: 得喇! 唔好食!
十分貪靚又好很惡既港囡同事: 乜你都有野唔食既咩 (先撩者賤)
拾荒: 係呀…無野食都唔食你!
我 (無聲，口形對住只會食花生的初八) : 你聽到?  大撚獲!
初八(無聲，口形): 係呀! 我都聽到!
同事V: 咩呀咩呀!! 你地做乜笑到咁既!??
港囡同事: (無聲，嬲到核爆) ….你講咩
…..我& 初八…..(細聲): 真係唔講得架….我地都唔應該聽到……

---------港囡同事繼續好嬲好嬲---------企係原地--------

拾荒: (經過港囡同事身邊) 不如我地食呢盒丫(他買回來的手信…肉鬆蛋卷)
拾荒: (若無其事) 初八我唔掂，幫我開幫我開….
初八(無聲): 唉，點會開到咁架你!
同事V (大聲問): 其實岩岩講咩姐??
………. 我& 初八(繼續無聲…勤力mode)…..
拾荒: 嘩…YEAH!! 開到喇!
拾荒: (走到港囡同事面前) 喂，食丫…唔係豬扒黎架!
我&初八&V: (無聲) (真係笑到反艇!!!)

---------港囡同事嬲到核爆 --------衝去搵野--------

港囡同事: 鉸剪同界刀你揀一樣丫!?

*當時我已經 飄番埋位………….地球真係好危險!!

---------故事完美落幕---------

閒談。不一樣的家庭

今天與幾個新相識的同事吃飯...

閒談間...談論與家人及親友相處....(因為新年剛過去)...

講及一些問題或家人對問題的見解時...又對帶家人去旅行有很大的同感....
竟發現....

皮褸先生...
我: 你阿媽會唔會覺得你女友搶左你走?
佢: 我阿媽無架喎! 佢仲可以一齊去旅行
我: 咁你爸呢?
佢: (停左一停)
佢: 我阿爸阿媽離左婚...而且都無聯絡好耐了...
我: (震憾了一秒，繼續扮無野)....問....咁呀...你對你媽咪真係唔夠好了! 不孝呀!

Da小姐
佢: 我阿媽無乜親友...得我阿爸果邊...
我: 係咩.....不過老輩走左...都好小聚了!
佢: 不嬲都無聚啦!
我: 咁你爸爸果邊呢?
佢: (停左一停，吸一啖氣) 我阿爸係再婚....所以關係都唔係幾好...
我:  (又。震憾了一秒，繼續扮無野) 哦....
佢: 係呀...所以屋企長期無飯食係有原因架!
我: 咁又係...無謂強求....

嗯.......
呢幾段對話，令我回家後..想了一陣子....
其實...真係有好多野...無乜必要解釋你知...
有時候...咁岩講開....又好似明白他們多一點!
多一點關心身邊的人...多一點理解!!
唔係人地奇怪...而係你未經歷過同一個處境，你點會明....

”師機夢”?

踏入航空界快要五年了，看著很多同事對航空的熱誠。

而且，很多都有一個機師夢。

今日又聽到一個真實例子，雖然夢想沒有達成，但很近了很值得尊重。

阿田…(遞左辭職信…一日比一日容光煥髮)
有次去飲咖啡時，剛好我問到….
我: 其實你係咪都有一個 ”師機夢”?
佢: 係呀!!
我: 係囉，你做偏左喎
佢: 我十八歲就考空軍…考到架喇!
我: 下….
佢: 當時屋企人好唔比我咁做，要我讀埋大學先…
我: 嗯嗯….咁之後無再諗呢行了?
佢: 唔係呀，到之後，我再番黎考飛行員…
不過考到之後2003年…沙士…. 乜都無哂…呢行死哂….
我: 真係無緣…無辦法….又無左個機會….
佢: 係呀，我又飛走左…去做番本行….
我: 一直做到宜家嗱?
佢: 唔係呀…我再試左…Airport Control Tower....
我: 之後??
佢: 出左個result…我差0.1…就係呢0.1分…入唔到…..
我: ………………..夢想真係好遙遠!!

旁人可以話佢唔夠努力，但係我真係相信…
有時候，你有一個遠大的目標…一步步去試…
不代表一定成功…但係…試過…努力過…再加上種種的經歷!
就算達唔到…都值得的，都無憾的….

不能信任...

如果屋企的人都不能信任...
還會對自已做成傷害...
那應該怎麼面對。
在家裡都會有危險...
以為最安全都避風港都沒有了..
人生還可以怎樣?

雖然不是相熟的友人...
但一場相識...好希望事情有辦法...
問題已經發生了，不希望再惡化就好。
願一切安好!

感激有你

近日真的負能量好高....
不知自已想點...
沒有目標...
沒有特別事情....
每日都混混噩噩....

今早....帶著不想上班的心情...
在巴士站看到辰先生....
好感激...好感動....沒有為什麼....
純粹是一種鼓勵和支持.....


多謝沿路有你.....
一起走著走著.....