週末．珍珠奶茶．大生意?

他: 嘆緊珍珠奶茶啦?
我: 多謝哂。
他: 我發現呢中環無珍珠奶茶檔架。
我: 係喎，我都唔多覺。
他: 我本來想叫個同事係中環買俾你，唔凍唔好飲架，但你果邊好似無。
我: 係囉，你開番檔囉。
他: 有得諗喎，十幾蚊之嘛，俾起中環果啲貴咖啡，個個都買啦。

我: 你老細一定唔係度啦，咁早有生意大計，哈哈。
他: 醒目，但有客到，byebye！！
沒有老闆在公司的週末早上，有一杯珍珠奶茶，在公司玩玩FB、上上網、聽聽歌，真的一樂也，哈哈哈。打工仔日望夜望都係想老闆不在公司或者打八號風球姐！！現在我就正在享受中。
又是拜仁的好禮，謝過了。

關心．神神秘秘的行動。

今晚約了馮少爺與辰生吃個晚飯。

馮少爺：為左你地，重要既交接宜式我都無去呀！
我：咪煩啦。
馮少爺：我好忙架。
我：收聲啦．．．淨係得你忙！約你好難囉！星期六、日都唔得。
馮少爺：緊係啦．．本大少喎！
我：試下三個月唔約你先。
馮少爺：你會唔開心見唔到我架喎！
我：等你約我先。
馮少爺：你知我唔會架！
（勁衰格囉！！！）


我：有秘密野話你知呀！
馮少爺：關於邊個架．．
我：你會想知架！
馮少爺：宜家我唔知邊條囡我會關心喎？
我：（有版你看丫，生命裏只有囡囡）唔係囡囉！
馮少爺：關於仔既，就更加唔想聽！
我：你會想知架！
馮少爺：得好少仔我想知咋喎？
我：係囉係囉。
馮少爺：咁姐係果個啦！
我：係呀係呀。
馮少爺：做咩呀佢！？
我：佢出動揀禮物呀！（仲要好似好俾心機果種喎！嘿嘿．．．）
馮少爺：係咪果個cxxxx．．．呀？
我：我唔知喎！淨係知俾女仔！
馮少爺：無鬼用！
我：你去問丫。
馮少爺：佢都無同我講！
我：我都係咁岩傾開咋！

（待續．．．．）

游泳訓練班

因為一次重要的約會（！），約成了今次的游泳訓練班，學員有（似懂非懂的游泳的）k小姐與（完全不懂的）雲小姐。教練是誰？當然不是我，另有勁人-水先生。本人懂得游泳，只是襯熱鬧的到一到。本來我想不到的，但奈何...怕你們太寧靜（！），只好陪你們囉。水先生日理萬水（即是日日都對住水水水！），到放假都要被我們捉去做教練，哈哈。但我認識的人，真的只有他是教過游泳的，而且還是從小就進行地地地獄式訓練，功力無十成都有八丫，教游水呢家野好看起他有餘丫（即是勁丫）。

說回游泳訓練班，約已經夠辛苦啦。訓練班前一天，k小姐還剛生了病，天又下著雨。思前想後都不知道應否取消訓練班。好了，到了正日。下大雨，約好在室內游池（諗住無有怕啦！）。到四時左右來一個特快的黑雨警告！！！！！！k小姐說：取消啦！（好，我做中間人的，就通知一聲取消丫）。過了四十五分鐘後，又收到電話。k小姐：喂，宜家紅雨咋!你話可唔可以呢去游呢? （小姐，你明要我難做的。）好，我再打給水先生繼續游泳訓練班。再過十多分鐘，k小姐（對呀！又是她呀！）:你可唔可以俾水先生個電話我呢? （我：小姐，唔洗咁講喇！有咩吩咐呢？）我呢．．想呢．．叫呢水生拎多個泳鏡俾我呀！我漏左係公司呀！（呀！！！！無左泳鏡，真係唔洗游！而且我又要打電話！）仲有呀！我地無準備沐浴露果啲呀！叫佢帶埋丫（我：吼！！你自己買啦！我仲邊好意思講呢？！）於事我又再一次（！！）打給水先生，他未出聲說喂，已經話：又點呀！？（唉，我都知麻煩了！但有沒辦法！）

說回游泳訓練班的內容，首先她們試了幾次換氣的練習，去識應後，就正式開始習泳了！本來一開始想游蛙式！但只是學蛙腳都有點難道，我見不對路。我認為兩個人都不太懂游，就建議她們應該學自由式最快的，最緊要是保住命仔可以落下水，不會浸親先丫嘛（約會的時間快到了）。後來，就轉學自由式的踢腳。見她們學踢水，好認真的，我也不宜多說話阻她們學習（我沒有下水，好鬼悶，吽到發毛囉！）。
經過差不多兩小時的習游，兩人都可以用扶手踢水加換氣，真的不錯不錯。我看到好攰囉！好不明白為何媽媽級的人，可以日日坐在看台看自己的小朋友游水囉。

另外，今次是我頭一次見水生游泳的（真的游得好Ｑ快！顛架！）我的平常步速等如他只是用自由手游的速度！我相信，他小時候在泳池裏一定過得很苦（地地地地獄訓練！）才會有這樣顛的情況！

游完後，大家來一個很重份量的消夜。
只知道，我又頭痛了（再一次問，我是有絕症嗎？！）。

續志明與春嬌的閱後感。

吸煙與宵夜

我唔係一個食煙既人,都知道戒煙係一件好難既事,叫人戒煙仲難,佢會俾一個你搏唔到佢既理由俾你,我:(喂!阿強,戒煙啦!)阿強:(食煙就係我既生命,唔食我會死架,你勸我戒煙都係唔想我死姐!你唔好勸我我就唔會死啦!)嘩....我呀!係我呀!都搏唔到佢...佢食煙食到入哂血...不過往往身體出現問題既時候,就會俾到借口佢地戒煙..都好既...撞下板先識改...


但係宵夜呢...

城市人都會有食宵夜既拍習慣,一來買宵夜方便啦,二來臨訓前硬係會肚餓既,肚餓點訓呀,點頂到聽朝呀,自然就會著拖鞋落街買宵夜or自己煮,我?當然唔例外啦...

我高峰期係可以日日都食宵夜..為咩?肚餓?只係為左止痕..係把口痕....好多人同我講食宵夜唔好呀..會肥呀...食完就訓會消化不良呀...我對於肥呢個字好陌生...咩叫肥?我一日食五六餐都係得百一二磅...d朋友話減肥...見我咁瘦..問我有咩計...我同佢講一日食五六餐啦...肥已經唔係我戒宵夜既借口..消化不良??好簡單姐...消化完先訓囉...喂?咁樣你同食煙個d人有咩分別呀...不斷搵借口俾自己既...我同佢地係有d分別...分別就係佢地總有一日會有戒煙既借口..而我冇...呢件事由第二個角度睇...每一個人都會為佢自己既習慣護航...叫佢改...會死架wo!

所以唔好睇少(改)呢一個字...你可能花一生人既時間你都會改唔到架...
改編黃子華金句：(死左有得改,唔死冇得改)....


寫作的人：經常在這裏出現的人物！

志明與春嬌

由三月一直想看這套電影，直至近來出了碟。至今天，我才真正坐定定看"志明與春嬌"。想看是因為每個看完志明與春嬌的都會寫寫影評和感受。我也不例外，因為志明與春嬌的相識，已經....隱藏著一點點的回憶。

說回電影吧。
1. 好多粗口，好大眾化（！）的感覺！
2. 志明看春嬌朋友FB的相被指行騙，笑死我！！還要被彈鐘。要春嬌告知殘酷的現實。如果是我，我未必夠薑告知朋友。
3. 志明給春嬌的亂碼（我個人認為是兩人之間的密碼！）原來是一個肯定，也是一個小浪漫！
4. 一天一天的紀錄他們相處經過，很特別的手法。

好一部愛情細味小品，一個個好細緻的情節，往往常發生在我們的生活裏。
早段，春嬌約志明明天見，結果去錯了約打邊爐的地點...是誤解還是不了解呢？！後來，講述春嬌對志明的反應感到好迷茫。她最後問，咁究竟你係咪架？（現在女性就是那麼直接，有什麼好怕！其實直接問真的要好有勇氣！）嗯，一對男女的相處，開始時都是若即若離的，不會投入得太多，但又會心絲絲的，沒有顧慮所以特別開心快活、不用背負什麼。但過了一段時間後，這種不肯定、不清楚、不了解，讓人困擾。所以，往往一定要得到一個答案才心釋或許說是安定一點。

這就是愛情小品‧志明與春嬌。

下載一套的台劇（！）

聽聞台劇泡沫之夏好好看，我還未有時間看呢。早前辰生說他正在下載泡沫之夏，我以為他會追一追啦！原來不是，他是幫他的姐姐下載，哇！好溫馨！
我立即說：如果我有個咁既細佬，你話呢個世界幾美好呢！？
辰生說：我係好野來架！！
嗯嗯！我知！咳...咳！！我明！

等等！我想說的不是這個。
我是想說，我的弟，那個邪惡軸心，又一偉論。
媽：又沖茶！？（我的粉皮弟弟好喜歡飯後來一杯熱茶！）
爸：有咩問題呢？
媽：你個仔未識孝順你架！
爸：關咩事丫！
邪惡軸心：我老豆識孝順我就得啦！！！（呢個粉人真係夠膽講得出架喎！哈哈哈！）
我：唉，點解你地要生個咁既仔呢？！！

平時我想下載一些劇集都要問過他大爺有沒有正在玩網上遊戲，因為會拖慢他玩ｇａｍｅ的快慢（姐係會姪頭姪勢，會阻住佢打機囉！）不用說都知道我弟是絕對不會幫我下載一套的台劇供我慢慢享用啦，唉！好灰。

畫室的一事

在畫室裏，常遇到各式各樣的人，有的不作聲、有的跟我談得甚歡、有的會靜靜的聽一會兒間中加一句表示她/他也在八掛中，不是要深入認識，彼此可以互不認識但會共處一起創作或努力，這很奇妙。

之前，聽了在畫室一位阿姨的經歷，想記下來，遲遲沒有著手，今晚又想起了，要記下。一開始見到這位阿姨，以為她是傻的，因為做什麼都是大笑一餐，好少好少的事都只有笑，我不太會跟她交談。聽C.K.說，她真的好有趣架，你遲啲就知架喇。直至有一個週末，我們好像談及兩個人的相處真的好奇妙之類的話題，又說到宜家呢個年代婚姻都可以好化學的。她又有一番見解(聽C.K說，她的見解一向都好獨到)。
她說: 有時一段婚姻好唔好，都好睇你有無人照住架!
眾人:(下...不明白喎!?) 婚姻不是兩個人的事嗎?
她: 當然唔係啦!!
眾人: 咁係點呢?
她: 仲要睇埋男方既媽媽like唔like你架....
我: 又係喎..呢個我認同...
她: 緊係啦，佢鍾意你，可以唔俾個仔同你離婚添呀...
我: 又岩喎!!!奶奶撐住你喎..
她: 係架...留唔住個男人都有人幫你教訓佢丫...
眾人: (笑笑笑...) 你好似試過咁既?
她: 係呀!我就係試過咁..
眾人: ！！？！！？？？
她又繼續說：　我以前個男友，去到就快結婚架喇．．．係結婚前佢帶我去見佢阿媽，講開佢阿媽原來係二奶，我好似話過佢。佢其後咪唔鍾意我囉！都就快結婚架啦，最後可能就係因為我話過佢阿媽係二奶，最後結唔成婚，佢唔要我囉．．．．哈哈哈！！
眾人：（沒有給意見）
她：所以對住奶奶要小心啲呀！唔可以得罪架！隨時因為佢而結唔到婚架．．．

聽了後，有一點傷感。雖然當時人說出來好像一件普通事一樣，但聽下去，好唏噓的感覺。為何兩個人的一生的承諾會因為外在的人而影響到？那代表他不是正確的那位嗎？又，我估不到這位阿姨有這種的經歷，因為在她的面上、說話上、感覺上，一點點傷感或痕跡都沒有。我問C.K:(點解佢講得咁搞笑既可以?) 他說: 一個人過左咁耐既事，佢都仲咁記得。咁記得既，只有兩種事一種係開心，一種係唔開心。好明顯呢件係唔開心，只係過左咁耐，再講番已經無咁大反應姐。

故事說完了....
嗯，當中包含著一點點的道理。