對話: 天蠍座

miss: 好多~~天蠍座啲人都好成功架喎！
我: （對天蠍座是有嚴重的偏見！他們成日係成日蝦我的）點解咁講呢？
miss: 我個好朋友係天蠍座架，佢日日淨係係屋企，都可以賺到好多錢!
我: 但佢地有辣有唔辣，同我八字唔係好夾囉.....
miss: 但人地話天蠍座真係幾好架喎！
我: 唔係話唔好既，但好極端囉！
miss: 係啊係啊！好固執架都....要遷就架！
我: （吼！我諗起邪惡軸心與辰生蝦我的事，已經好火）天蠍座係好好好衰格架．．．．
miss: 睇星座書話，佢地都好玩得架喎！
我: 唉，係架，我咪係俾佢地蝦果個囉！
miss: 天蠍座對黎你講，好慘咁喎！
我: 唔洗講都feel到啦！
miss: 天蠍座丫嘛....係有毒架喇！


天蠍座的小小資料:

個性強烈衝動。有足夠的精力和膽識，不懼艱難。觀察力敏銳，經常能夠洞悉事情的真相，對事物也有獨到的見解。行事時，採用完全的破壞和創新方式，充滿神祕的色彩。從無害人之心，但是人若負我，則會反擊報復對方，採取適當的回應手段。對精神和物質的要求很，高同時也付出相當的努力，奮戢不懈，對愛恨的反應，十分強烈。

對話: 談往事．潑水

友人: 我個朋友一講八卦野就即刻病好
友人: 一無就再病返
我: 下?!
友人: 岩岩講我之前EX D野俾佢知，佢個人即刻勁精神，係咁話我要聽我要聽
我: 有咩佢唔知既呢?! (大家已經無所不談了!)
友人: 講之前有個EX潑我水單野
我: 咁誇張...(話時話，潑水呢家野，我好細個好像現場目擊過一次，有機會再談談先)
友人: 你無聽過？？
我: 潑水無聽過bor （一聽潑水就知道係激動野啦！！！講過一定記得，唔記得，姐係無講，一定要聽！）
友人: 好耐架喇，有一次成班FD去BBQ啦，咁我個EX同佢個女仔FD玩緊，佢個FD就話要摸佢個胸，咁佢就避啦，然後叫我救佢，咁我見佢玩就廢事加入戰團同埋我又見佢笑住，無理佢，咁佢地玩完，我個EX無啦啦倒水落隻杯，我個陣都好奇怪，因為我個EX唔飲水，但諗緊個陣佢已經成杯水潑左埋黎，然後話，你係咪我BF黎，你做咩唔救我，我個陣即刻著左，手上面我都唔記得拎住左咩，一野扔左落地，個樣野爆左，之後拎埋袋即刻衝去巴士站走

我: 哇~~呢個係港女黎架喎！！！！（當時好想說：飛左佢啦！已收左口，當時人是馮少爺的話，我一定說。）
友人: 哈哈，不過好耐喇，中五岩岩畢業
我: 呢件事之後你飛左佢？！？！
友人: 無幾耐之後就散左

這段對話給我的感覺是，人愈來愈大，聽到的真實事情會愈多。一個人的容忍度與包容度是有限的，（這位友人，做事好有分串，而且不會亂說話，也好懂看風頭火勢的，都中招了！？！）而且，每個人都有底線，對著不同人，有著不同高低之分，有些話有些事，知道對方不喜愛的時候，要找個適當的處理方法。因為有時候觸及了底線，大家會各不相讓，真的會一發不可以收拾。

Ｆ＝ｍａ

LAWS OF MOTION
1st law: 慣性定律
2nd law: F=ma
3rd law: action & reaction
1和3就不需解釋了..原來第2項是最易忘記
為何有acceleration, 就因為Force增加了
只要把force減低, 應該就不會再加速

以上，是來自友人的見解，十萬分認同，而且學術得來也很現實化!
而且，對於這見解，再想補充一點，所以放在這裡說一說。
言而大家都想清楚，不加速，力量不會大...
力量不變大，代表沒有加速，
但在現實我們大概不知道，ｍ是無形中不斷增加，
有時那是最可怕的，而又最不想見到的。
而往往計數上，很想找到一個對等和平衡，
不過，現實是談何容易．．．

呆著。睡著。

這幾天都睡得不穩，往往在夜半醒來。
看著電話，望著電話簿一個個的名字。
心裡真的好想好想找個人陪伴...
說真的，真的想找。
但我發現，大概，
自己由小到大都不喜歡打曉別人...
我只默默地呆著等待睡著。

所以，常常都想，
經常睡不著的人，應該會很憂鬱，
遇著有心事、有不愉快事，已經心情不好，
再要睡得不穩，精神更加差，
如果身邊的你您妳睡不著，可以發個短訊給我，
我可以成為你深夜的伴，
跟你一樣也在默默地等著睡去，
我們聊幾句，小一點憂鬱感。

珍 惜。

珍惜的感覺（也許）是：

不再動輒發脾氣。以前你明明是個會耍小性子的人，遇到不滿意就玄壇著臉，現在你不會了。因為常常都感到快樂，根本沒情緒要鬧。

即使偶爾想爆發，但隨即想到對方的好，怒火也就平息下去。

表達自己。有多喜歡有多牽掛有多愛，都如實地告訴對方。因為這個世界上，是沒有心照不宣的，你以為人家接收到了，結果卻不然。為了避免這個情況發生，你會放下自尊不理身段，直接又坦然地，向對方示愛，天天都示愛。

做好自己。有些事情不該做，或不應做的，盡量控制自己，不做就好。

遇上需要決議的事情時，讓自己站在對方的位置上，細心再想想自己的決定，是否恰當。

覺得自己不再是一個人，凡事應顧及對方的想法與感受。

有時把對方當成小朋友。怕他／她冷，穿不夠衣服；擔心他／她生病；怕他／她出門不懂得照顧自己；怕他／她吃不飽、睡不穩、喝不夠水（！）………於是忽然驚覺，自己像個亞媽，好煩。

會憧憬將來。因為珍惜，才會有將來。

From: zzlai

假設

假設我能柔情似水地依著你，你會否愛我多點？
或者我甘於服從，凡事順應你意，你又會否更視我如明珠？
如果我裝得糊塗，甚或不計後果地俯身候命，你會否因為我的無畏精神而感動？
倘若時限到來，你真會離開嗎？或是戀戀不捨，繼續苦候？

疑問，源於迷惘。
我其實更應狐惑，因何我倆遇上後燃起的花火，久纏不滅。

From: zzlai

對話：吸塵機．超人

我: 哇，呢舊野用來做咩！(形容下先：直立的、有一個像手指長的吸口，身是紅色，像一個微型的火箭坐立著)
辰生: 咪嘈住啦！（他正在看"重要野"！！）
我:(不理他，繼續研究) 丫~~吸塵機來架！
辰生: 岩架喇！係啊！用黎吸柒頭既！
我: 哇，咁岩你用bor！我走先！
辰生:　喂喂，唔洗咁驚喎！吸柒頭姐，睇埋先啦！
我:(呢位人兄，正在看超級巿場內售賣的DVD！！！！)夠喇！
辰生: 我之前搵到套超人好好睇架！
我: 幾多歲啊~仲睇呢啲!
辰生: 好好睇架，細個會睇到驚架！
我: 咁你大個啦嘛，唔驚就唔好睇啦!
辰生: 好懷念架。個畫面黑蚊蚊，有怪獸走出黎!勁野!
我：　套套超人都有怪獸走出黎架啦!
辰生: 呢套唔同架!
我: 嗯，明白，你慢慢睇。
辰生: 我上次睇果套勁啲!
我: 有幾勁呢?
辰生: 隻怪獸有把交剪係個頭度架！
我: (心想:哇，咁樣衰都諗到，係幾勁。基於唔係太好意思，無講到。)咁你搵唔搵得番丫？
辰生: 哎呀，搵唔番啊。但呢套都唔錯。
我: 買啦！唔好諗！
辰生: 喂喂喂，買俾我啦！
我: ．．．．．．．(走開...想去揀古古力，試想像超巿內買DVD會有多爆呢?!)
辰生: 好底架！超人來架！
我: 得！呢套嘛，買！
辰生: 哈哈哈....好勁架（細菌大戰一觸即發，超人要承受前所未有的重大挑戰）啊！
我: 嗯嗯嗯，我知道一定好精彩架，快啲番去睇呀下！
辰生: 好想快啲睇呀!唔知要睇幾耐既呢?
我: ．．．．．．．．．．

嗯，我有點想知道，他看完有什麼感想。
有機會我會再報道他的”看後感”。