又轉了...

為什麼轉工? 
直覺告訢我不要再停留在那個環境裡....

工作為了什麼? 
人工: 沒加...
職住: 沒升...
花紅: 沒多...
朋友: 沒有很交心....
假期: 總是會找你....

就這樣...一星期內....
搵工...見工...辭職了......

對話

講是非舒壓 (會計部做左二十年既阿姐好撚顛，日日屌人，全場無人識做野，得佢識做)

Cool同事: 佢真係個個都屌
我: 我都比佢話過嘈啦，佢嘈就得
Cool同事 (坐佢房門口): 係囉，佢先日日嘈生哂
我: 你話番佢丫嘛
Cool同事: 佢果日同我講，你”啞”架?
我: 下?
Cool同事: 明知佢話鍾意其他人嘈，我咪唔出聲囉
我: 岩丫
Cool同事: 佢話我唔同佢講早晨，係咪”啞”架你
我: 下….咁都得…
Cool同事: 有乜理由咁講野架咁大個人…..顛架….

----------------------------------------------------------------------------------------
隔一日後，

Cool同事: 果日佢見到Eric行過，係度笑，就知佢想屌人啦
我: 都唔明點解佢成日咁燥
Cool同事: 佢老公無比佢…..
我 (九秒九) : 佢老公無咩佢….
Cool同事: 佢老公無比家用佢呀….
我 (笑左): 哦，原來係家用….
Cool同事: 唔係你以為係咩….
我: 無呀….
Cool同事: 其實係比左，都覺得唔夠….
我(笑左): 唔夠?
Cool同事: 明明比左家用都覺得唔夠，你諗乜野.....

#有啲mean
#笑下無咁大壓力

風起了…風起了….

 八號風球…緊係打牌….

對話

 八號風球下….有發財車送去打牌….
車主豆先生，老點朋友雲先生做司機….
到了現場，要尋找車位….

保安 (用對講機): 先生，唔好意思，無哂位喇….
豆先生: 無哂位, 點會無哂….
保安(有禮貌地): 你住客定時租，無哂時租…
豆先生: 無哂位，你開啦….
保安 (繼續有禮貌地): 唔好意思，真係無哂位….
豆先生: 無哂位，咁點算呀?
保安: 係呀，車場full哂，真係無位….
豆先生: 邊度會有位….
保安(放棄mode): 我放左你入去先….(都一樣係無位)

 

再回想對話，點解咁巿井….

豆先生不是坐係司機位，但佢既人設，談判又好似好合理咁….

係幾搞笑既，兩邊都對答如流，無發火。

車上乘客一片安靜，睇佢地表演，靜靜地發財。

對話

 

Mi同事: 你今日做唔做gym
圓同事: 咦，你去呀?
Mi同事: 係呀
圓同事: 咁….我就唔去喇
Mi同事: 唔緊要，我有教練就得啦...
圓同事: 嘩。。。。。。
我: 嘩。。。。。。我聽到d咩?
(本來好似訓著左既) 衝同事: 嘩。。。。。。我聽到淨係要有啲咩話?
Mi同事: 對唔住對唔住，我又講錯野。

#日常生活大沉悶
#回到初中曖昧時
#有點sweet
#開個心跳秘密網

平衡時空做同一件事

 
Miss: 喂，你參加Nike個跑步計劃，會有水樽送喎
教練: 哦，好丫
Miss: 我upload左喇
教練: 我都upload左喇
Miss: 我拎左個水樽去泰國旅行呀!
教練: 我今日都去拎個水樽…..

Miss同教練從未相見
還未遇見卻在平衡時空做同一件事
#有點浪漫

是時候了....

在航空公司都待了有八年多，
有很多事物都在這裡學懂....
在頭的兩三年真的過得有點苦...
很多不熟識的人和環境...
當時的老細又十分crazy....

幸好有一班航空公司....會有很多有趣的人....
認識了許多很多的同事....
大家都愛周圍去,增廣見聞...
同事都係好好傾，又好年經的.....
而同事也可以變成朋友...互相鼓勵...
無論面對人生幾多逆境都會支持對方....
在這裡，我獲得了許多重要的人。

到2022年，是時候了.....
在過去幾年....都WFH...
沒有正式的工作規範，
雖然世民老闆對我很好....有很大的自由度...
但他也要退休了.....小了他的領導...
我也是時候用他教的知識....
試試走自己不同的路! 

有時人，不得不向前走.....

呢件事，真係咁重要?

今天是十二月的某天...

坐在對面的外藉機長正探討十二月到來的颱風對公司的影響....
面對無情/無常的風雨....
還是很冷靜的，一句一句問著，問著也回答著.....
嗯，他們也好像日常生活的平常應對.......

有時我們為了生活上好鎖碎的事而抓狂....
沒有原因的，就係很累....就是要發洩....
水杯滿了，就會溢出的自然現象一樣...
情緒到頂了，就會崩潰.....


\
有時事情就是這麼簡單，只看你怎樣解讀。

十月...

 又是十月份了! 

天氣漸漸地涼了....

有些秋意....

選擇離開的你...........好嗎? 

或許還有許多人掛念你.....

生命的長短

一個早上....剛回到公司...

人不多, 靜靜地吃過早點....

走過沒什麼人的旁邊地勤部門....

黃總: 我有野話你知!
我: 有咩八掛野

黃總: 我又復發...

我: 嗯...

黃總: 唉,係囉, 又要等番去睇報告

我: 嗯...

黃總: 可能係之前做到個瘤太細, 有啲睇唔到....

我: 嗯...認真講有時唔係怕死，係怕又要繼續呢個過程.....

黃總: 都係....


還記得上一次是2019年的中秋....

又是在辦公室內.....黃總走過來....

與我旁邊的上上司們示意要說幾句....

到了第三句...一個大男兒不禁落淚.....
這個感覺好深刻好深刻.....

一眾見慣大場面的上上司們....都未能反應過來...

嗯，其實面對生死，我們很弱小! 

平安就好....黃總只比我大七年...

原來死亡可以好近。

瞬間二十年

 

在上年，嫲嫲走了。
一直住在中轉站，
今天來的她的新居，
背後有靠山，旁邊有海境。
嗯，很好的環境，

同時又想起，睡在嫲嫲家中的沙發，

無憂無慮的日子，每天醒來就到文具店買買買。

瞬間原來二十年後了........

係炒蜆呀!

 

快樂係，阿媽送你一碟炒蜆。

肉質唔厚，但歡樂滿滿。

疫情

 由十二月頭，第四波疫情到現在...

已經兩個多月了，由惶恐到無奈...

一天一天的白無聊賴....

到今天正式上班。

或者人生都不會再發生這個情況了....

人的記憶

 看了一篇文章，原來人的記憶好糊塗的。

在很多時候我們都會無意識的做著一些事

而日常生活中，腦袋為了慳水慳力，會做出很多的指令

令人無意識用最低成本去完成事務。

但好多時人們都無真的用心去感受事情的發生 ，

又或者，真係記唔到咁多。

又或者，不記太多，煩惱都會小好多。

情緒恢復

ABC Theory

Affairs 事件

Belief 信念，
思考的習慣，掌握事物的方法。

Consequence 結果，
產生什麼樣的心情，或是產生什麼樣的情緒。

提高恢復力的腦部段練方法，不是增加知識，而是增加觀點。換句說話，就是訓練自已，從更多的不同觀點去看待一個事件或事實，讓腦部，也就是心靈變得更加柔軟。藉此培育出堅韌且不容易受傷的心靈。

賤咀對話

說話昨日看到一段新聞，好爆。

喂，琴日新聞話又有一個七十幾歲女人比人呃左五百幾萬。
你地快啲諗諗佢啦，打工無前途架!

(女) 同事A: 七十幾歲女人都仲比人呃
我: 佢地有見過面，有舖排架
(女) 同事B: 我都有睇單新聞呀！！
我: 係呀，佢有編過個劇本架
(女) 同事B: 佢有收到一隻結婚十幾萬既戒指架。
(女) 同事A: 都咁多單，仲會比人呃既。
(女) 同事B: 佢用番呃左番黎個本，再釣番大魚呀。
我: 係呀係呀，首先呃左二百萬，再有每個月分番兩萬先。
。
。
。
。
。
。
。
你一言，我一語。
最後..........
(男) 同事L: 其實我都係一個好知名既 "考古學家" 。
。
。
。
。
。
。
。
。笑到我丫！！！！！
。
。
。
。
。

「借我一點你的時光，許我一點美好難忘。」

黯沉的陳韻如做主道，開朗的黃雨萱困在身體小屋裡。

莫俊傑及李子維都知道是假裝的黃雨萱。

再一次看"想見你"，再加深明白了這劇想帶出的意思，

。小時候，不難發現，自己好像找不到自已存在的價值
。繼而會問人生是否不停的要找到價值？
。幸運的人會知道，開不了心不是錯
。長大後，受過大教訓，才驚覺太開心，也許是錯
。原來開朗陽光不一定最好，沉穩冷靜也會有愛你的人
。明白不是我不想開朗，而是我本來如此
。最後不能勉強，只需要一次機會

被需要的感覺

平常很多時侯我們都因為怕煩...不找別人幫忙....
心底裡會想著自己都能處理到...
當然，有很多事都不是別人能夠幫忙...
感情事、家事、前途....等等.....

不過....在日常生活裡，
遇意找一下別人的幫助，
這些小感受，都是小小的調劑。

話說，小表弟(我睇住佢大)交帶我拿一本車站指南，
在機場上班的我，當然可以順利辦妥。
而我，就可以有一種: (做到野喎！的快感)。
雙方都很好。


有人需要你都係一種幸福。

閒談

世界那麼大，
活在小城巿裡的我，
所見的事....實在太小大小。

聽著老闆說....
十四歲確定了夢理...
十六歲準備好牌照...
得到家人的同意....
正正式式踏上屬於自己的天空。

真的，一千個人都未必有一個能夠做到....
明白自己所需，堅持做到目標，並有能力去完成。


十四歲仲係在班房裡嘻嘻哈哈....
到今天也在只能坐定定打份工....繼續嘻嘻哈哈....


沒有絕對好，沒有絕對差，
明白不同，接受不同，就好了。

金枝玉葉2

追蹤一些生活最基本需要