昨晚為雲小姐補祝生日，吃了一頓意大利餐。指指點點餐牌；快快地落單；狼吞虎嚥地吃吃吃。結果我們不夠八時已經完成整頓晚餐。本來想來一些甜點的，但Oliva的甜點真的選不落手，最後大家都決定到Cafe坐坐來一件飯後甜品。
重點新聞: 女仕應竟然唔回應先提問的馮少爺，但同一時間T少爺問同一問題，女仕應竟回應了悶蛋T先生。(向來條件斷定了..<馮少爺是個不羈衰格但又可以溝到囡的風流男；T少爺就是個務實型的住家男但溝囡就..>哈哈哈哈...)
Therefore: 有時候，T少爺比馮少爺的魅力更大。(T少爺=悶蛋T先生，他看了今集的重點新聞應該會多謝我)
到了Cafe，就開展了今晚的喪笑之夜。話說馮少爺早兩天看了古天樂的電影<撲克王>，學了那個好像叫"德州撲克"的賭博活動(現在他的生命只有賭)，今天就教教我們玩，娛樂一下。我們用UNO牌作注碼，每隻兩元。
遊戲規則:
1. 派五張牌作底牌
2. 每位手上再有兩張牌
3. 可加可不加的令自己的牌是最大 (如:配到三條K的會比只有一對牌的大)
流程有: raise(加注)、check(照去)、fold(蓋牌,唔去)
馮少爺當然成為荷官教我們掌握玩法!!
馮少爺: 各位請下注!
各人放一張UNO作盲注...
馮少爺: T少爺請話事..
T少爺: fold (當在未派底牌時)
馮少爺: fold 乜q野呀..你話事仲要fold..fold係無得玩呀!!!!
T少爺: 係咩..我唔記得左個字點解喇...咁check囉!
一局完結。
馮少爺敲台，示意比Tips!
我: 原來你淨係派牌都要俾錢!!?
馮少爺: 嗌你地落注唔洗力呀!我出賣色相架...得果兩蚊Tips...
如是者他共收到十多張Tips。 平均每局我們都要先付五毫給他!!
T少爺: 到我做荷官..我要齋收Tips!
馮少爺: 我落場你地實輸....
如是者...他又旺...又懂得靠嚇(打心理戰)...無本生利地贏了一大疊uno牌三四十張!!!!
T少爺: 你有無咁勁呀...我地無哂錢喇
馮少爺: 緊係啦...話哂都睇過撲克王...快d叫我撲克王啦!叫啦...叫左俾Tips你!
我: 你咪癲啦..我地窮得有志氣架...唔會叫架!!!
K小姐: (行動最實際)打馮少個頭..散佢d財氣...
內歛雲小姐: (笑ing....)
T少爺: (想也不想) 撲克王
馮少爺: 哈哈哈哈...乖仔...拎去拎去(一張UNO牌)
T少爺: (快快口地繼續說) 撲克王
馮少爺: 叻仔...叻仔...底俾底俾(兩張UNO牌)
我們異口同聲: 唔好叫呀...好無志氣架!!!
T少爺: 有咩問題呀...錢黎架! 撲克王
我們笑到反肚，我們一直輸，只有馮少爺一個人勝!我提意只有他勝，我們一起不付款--走佢數!!!
馮少爺: (放出一些uno牌)拎去拎去...唔洗還既..
我想他應該放了幾十元作慈善用途!!哈哈哈...
我輸到一張uno牌也沒有(要向惡勢力低頭，叫了一句): 撲克王
T少爺: (跟著) 撲克王
我們又收到幾十元作賭本..哈哈!我一直玩..一直輸的是馮少爺的錢..今次我做了大輸家!不是志在錢，而是玩耍的過程!就是這樣我們玩了"德州撲克"四小時，也笑足四小時!我聽到撲克王呢三個字聲到有作嘔的感覺..哈哈哈哈!
一頓簡單、普通、沒有壓力的聚餐，談談去遊行、談談馮少爺的逃學之路、談談是會易於忘記的話題，但有朋友們聚在一起倍感快樂。謝謝信用值提升了的馮少爺，他有準時出席我們的生日慶祝。
No comments:
Post a Comment