一生一世是過程；肯欺騙才能一生一世?

我: 你信唔信有一生一世呀?
C.K.: 嘩....乜你咁後生就問d咁既問題既? (問呢種問題好似唔關年齡事的)
(收看者注意，C.K. 是比較長氣的，請有心理準備)
我: 咁你信唔信丫?
C.K.: 實有架...不過可能少d之嘛!
我: 我都信有...係因為世上無難事姐!
C.K.: 或者咁講囉，一生一世唔係個結果而係一個過程!
我: 姐係?
C.K.: 兩個人一齊生活、相處、結婚..直至以後一生一世一齊，唔係一個過程咩?
我: 又係喎!
C.K.: 又或者咁講囉(他的口口口頭彈)!就係因為好多認為一生一世係一個結局，覺得好難去達成，所以先唔信囉!
我: 又岩喎!
C.K.: 如果要一生一世一定會存有欺騙架! 咁係正常架!
我: 吓?
C.K.: 你一世人點會唔講大話先，而你同伴侶日日見住，一齊相處，一直唔呃佢好難喎?
我: 又岩喎!
C.K.: 但係當肯呃一個人一生一世既時候，咁姐係你有機會可以同佢一生一世。
我: 吓?
C.K.: 你呃人都要花心絲、花時間、花腦力去諗架，呃人都要用時間架..佢係度花時間呃你,都可以係愛你既表現黎架!
我: 又岩喎! (但男仕聽到咪花天酒地，那麼講大話都是王道?)
C.K.: 所以..咁咁咁囉...咁咁咁呢....
(節錄太長被我腰斬了不重要的部份)

結論:
1. 只要有話題挑起C.K.，我接著是不用說話，可以像海綿的吸收知識或岩聽的見解。
2. 對我言而，有藝術天份的人，腦部結構和思考方式會和一般人客觀的看法有分別的。
3. 我絕對認同C.K.的講法，呃在某程度上是一生一世一項必備的要素。
4. 呃我絕對可以，請花多些技巧，一旦被我識破會你將會好很瘀皮。
4.1(水先生深深明白這道理，有時候技巧不好的大話會鬼拍後尾枕的嘔出來，謝謝)
4.2 馮少爺試過在我和K小姐面前表演啤牌魔術，看了第一個我不作聲。到第二個，K小姐正看得津津樂道的，我歇開他其中兩隻牌，魔術(大話)被釋破了。馮少爺大叫:(幸好是笑著說)你正仆街架黎! 扮見唔到唔得既? (我已經比他威了一次啦)我以後玩魔術你唔準出聲。
5. 我不是聰明，只是有時候觀察較細微而已。
(會考這樣離題，可以合格嗎?哈哈..)