分享足球樂

某位經常都喜歡跟我分享足球的勁野(！)，而我呢，每次都是擺到明是不會讚美，更不會說:「哇..你好勁呀!」果類說話的，我真的說既話，應該是轉了死性。

昨日中午，某位打來。
某位: 無出街咩，又屈係屋企呀?
我: 係呀！點丫...我無人約，會自閉係屋企架。
某位: 嘩...岩岩踢完波勁熱(完全無視我講野架可以！！)
我: 哦...(我也不是善男順女來的)
某位: 唉~~無乜野。又一個助攻，一個入球。
我: 咁小既。(嗯，我聽到無乜反應，有三球以上，我先會話多架咋，但好像十幾個人踢架喎?!)
某位: 算係咁啦...無氣喇!
我: 你算把啦...(明顯show到唔耐煩架)
某位:(清楚我係咁款，照繼續講) 我果球入球勁到丫...
我: 係咩...你都係唔講唔安落架喇!
某位: 中場帶住個波，係咁跑，有兩個夾擊我，我一及左，快步過左佢，再轉右扭過另一個。再直衝呀...再黎多一個，kick個波過佢小龍門，再跑到十二碼區。龍門出迎，我射遠處死角入呀！！！（其實有啲我唔記得左，有少許老作，但我聽到大概係呢堆野囉！！！）
我: 嗯嗯...好勁(俾下面都要應下，哈哈)。其實有無咁勁呢？
某位: 我啲friend都話我好似上左身咁呀！
我:　我知，你講到咁興奮!
某位:　當時我係無意識，但我好清楚我自己做緊咩！！！！
我:　咩話，無意識，但好清楚?
某位: 係囉!
我: (我已經喪笑不停).....

嗯，大部份男仕都係會為足球瘋狂的。