發惡夢

早排提到，常常在半夜扎醒。「今次仲勁囉！」

昨夜凌晨時份，已經不是扎醒咁簡單咯。是發惡夢！個夢又真係好惡囉！一早醒來，我仲好記得個夢。

一家人坐的士，明明我們未到達目的地，的士司機就按下咪錶說到了。明明未到喎！？司機再繼續向前行駛。突然間，司機中途停車，要我們在草叢邊下車，周圍是黑媽媽的，一堆堆雜草。家人在左手邊下車，我在右手邊。突然有隻像狗的動物跑過來，衝向我。哇...狂跑！！！。跑左一陣，原來隻類似狗的物體有鏈綁住的。呼...虛驚一場。定一定神後，家人叫我行番去他們身邊。那頭兇惡的狗，虎視眈眈的看著我！！！正當我想找路走回家人身邊。哇．．．．．．．．．．．一位葬屍朋友正衝我而來！ｓｈｉｔ！！！！！有睇過喪屍電影的你，都知道葬屍跑得有幾快架啦！我未跑佢已經到左喇！！！！
好！！喪屍一到，我嚇到醒左仲流緊眼淚，個心已經脫離左身體喇！。　（完）

係咪好精彩先？我記得所有情節喎，就知有幾驚嚇同幾真啦。「唔好以為好好笑，嚇ｑ死我！！」
我醒左之後，兩個鐘都未訓番。
我想問：「呢排我有作姦犯科咩？」，點會咁架？