公事上的對話（？）

很久沒有說過公司的事，見我少左更新就知我為我的事業打拼緊啦（好些友人看到應該想打我囉！跟住再要一句得埋黎，你懶姐！ｏｋ！ｆｉｎｅ！）。近排做人的重點（？）是在生活中尋找有趣的事，不是埋怨生活的平淡。喜歡說話的我，當然首先是留意生活上的對話啦。

公事上，有爆笑的對話，來來去去都只有一兩人。

拜仁：(好認真)你近排點呀？
我：(用認真語氣，但在公作時間在電話中閒談，嗯!是我想做的。) 幾好，有咩幫到你呢?
拜仁：我想要問果個價錢幾多呢?
我：咁咁咁...(其實他的同事手上是有價目表，但要消磨工作時間就必需咁做!哈哈!)
拜仁：我幫patpat著底褲..
我：下? 咩patpat!?
拜仁：公司隻狗呀!我係出面執到條底褲...幫佢著住左。
我：下....咁污糟(已經想笑，要知道工作時間老闆在附近要好認真架嘛。)
拜仁：我都仲未講最好笑果啲，我幫佢著左之後，佢賴屎呀！！！！我地仲要聞到臭味先知囉？！（注：他們的舖項是賣不同類型的潛水用品的，應有的味道是海水味！！）
我：（已經不停笑）佢平時輕周圍痾既咩？
拜仁：唔係呀！著左底褲，唔習慣咪就咁痾囉！？佢痾到間舖周圍都係呀！
我：（好冷靜分析）咪住先，你唔係話佢著住條底褲既咩？點會周圍都係呀！？
拜仁：係架！但因為啲屎重得滯，聚甩左條底褲，佢痾到周圍都係呀！仲要我抹！
我：（喪笑！！）岩丫岩丫．．．玩丫拿！哈哈哈哈．．．
拜仁：你知唔知．．好臭架！？
我：屎係臭架！岩丫！
拜仁：我抹完佢地（同事）仲要我用空氣清新劑噴patpat個pat呀!
我: 好殘忍囉！（但我仲係笑緊．．．）

話時話，幸好當時老闆也正在談電話。他不知道我在談無聊電話囉，笑死我喇！！