前途，開間舖

廿幾歲人了，要想想前途的問題（！），最最最不想面對的事。(與以下的文章完全無關！！？！）

這篇網誌不是說前途，是說說k小姐的大計。話說她有親戚不斷的想做老闆，錢就有了，心態又有了，諗頭又不少的，而差在沒有人幫他們實行的。而k小姐現在的工作，已經算是公司的半個揸佛人。所以她的親戚真的好想找她來將他們的做生意想頭發大黎搞（！）。

前因說了一大論，都未說到我想說的。我與雲小姐在旁聽k小姐的大計，我們的朋友已去到一個可以做老闆的年齡（啊！想當日大家還是柴娃娃的去迪迪尼咋喎？！）。今天已經要想想怎去打理一家舖頭，歲月催人了、要真正長大了（！）（又開始感慨！）。雲小姐一聽到k小姐想開一家教育中心，就叫她加三四間琴房過佢，來個三重奏（這是我想的．．嘩！！一定由教育中心變為歌劇院！勁！），我個人非常看好和喜愛雲小姐的音樂修養。然後到我問：我有沒有亞太區總經理果啲位做下呢？k小姐說：你負責帶啲小朋友去廁所夠啦！（呢啲咪我所講既熟到爛既朋友囉！哈哈！不過我知道呢份工作責任好重大呀下，周圍有無屎屎尿尿都靠哂我喎！！）而啤小姐就要教畫畫，不錯不錯!

跟住呢，k小姐像是沒有經過大腦地思想便說出：「我知馮少爺應該做咩喇！只有一樣野！就係負責冧家長！」不用多說要冧咩野囉，我與雲小姐已經笑到反肚（中哂ｐｏｉｎｔ囉！咩事先！？）。呢個post，他一定走唔甩囉。(吃粥定吃飯，有無收入睇佢架呀!)我已經想像緊呢，一班師奶被他這位小弟弟迷住的樣子(齋諗，都笑死我囉！）。而口口衰的k小姐還要說，呢個職位T少爺未handle到，要諗諗應該請他做些什麼才好（對丫，T少爺是住家老公款，師奶們日日都對住，仲唔夠皮呀！？一定不會有太大興趣呀！哈哈哈哈哈！），但他係好野來的，我地係知架！

（呢篇野呢，我一路打一路笑，我好驚你地打我囉！）
其實，要想前途，有時不一定要太認真的。
看到我們的對話，就知道萬大事都唔洗咁擔心囉！！哈哈哈哈！！