續．與友．即興吃飯

馮少爺: 我搵唔到辰生呀!
我: 咁我都搵唔到架...
馮少爺: 我唔理，你搵。
(辰生的電話多數不較響和震的，要找他要看緣份的喎!?)
馮少爺: 出來未呀你...
我: 你咁快到拿。
馮少爺: 我係屯門西鐵站。
(呢條友係咁痴線架喇，明明未到，就叫人出定去等他，又唔見你要你那些囡囡等你)

出去西鐵站時，我正在談電話。
離遠看見了馮少爺...
他已經大大聲說: 條x樣，又唔見佢聽我電話!正仆街黎架...
我做了口型說不是辰生來的，看來他的心火太盛了，完全不理。一手搶了我的電話...
馮少爺: 你係邊x度呀，打你電話又唔x聽
(我聽不到對方說什麼，但我知道對方知道發生什麼事。)
馮少爺: 你知唔知我打左幾x多個電話俾你呀...x樣!!!
(我忍不住大叫，唔係辰生來的)
馮少爺: 下下下，佢地把聲咁似既。
接過電話，對方: 哈哈哈哈哈......(狂笑)
(我只可以說，好樣衰呀你!)

馮少爺甚少叫即興叫我出來吃飯的，我一看到他當然問問為什麼啦。原來他看到我的網誌，說我們去看戲不預他。
他: 仆街，我都想看"分手說愛你"呀!
我: 呢套你都岩，我點知呢
他: 吃飯又唔叫我，睇戲又唔叫我。
我: 我果日有諗過叫你架，但我地四個女仔叫埋你，又應該要叫埋T少爺，所以無叫囉。
他: 諗諗諗，等你諗到，死x左啦。我唔洗睇呀! 我唔理，同我睇多次! (我係絕對不會理他的。)
唉，經常要聽他的粗言粗語，。其實現在已經好多了，少了用粗口直接罵我。只是口有少許埋怨我們即興吃飯與看戲不叫他(鬼知你想看那套戲咩!)。

說回飯局，有志者事竟成，辰生終於出現，一起去吃個飯。坐在公園想想吃什麼坐了廿分鐘（注：坐著都熱架），然後去找吃飯的地方又行了三十分鐘。嘩，天時暑又熱（晚上都三十幾度呀！！！！），我沒有發火或嘈嘈閉，我好勁。最後，到了老遠的（有冷氣的）大排檔吃飯，雖然我不太好大排檔，但有冷氣就已經可以了，不然我真的會罷吃。他們最主要想啤啤佢，我沒有興趣，可樂代酒。
晚飯期間，不知因為什麼談及我們三個認識了多久。與馮少爺，中一認識、四年同班、那時十二歲，嘩...。計一計足足識左十年喇！！！咁又十年喇，好誇張喎?! 而認識辰生就更耐，好奇妙。期後，又一大堆笑話與粗口，我沒有說太多，只是聽他們的對話，他們談天令我感到有一種合拍感（是兄弟間無形的溝通？）。

．未知道，下一個十年，大家會變成怎樣呢?
而..我但願我的友每個都是平平安安、開開心心的，又可以常常一起聚一聚，分享所有事。