啤小姐．歸隱．後篇

說到之前有爆事發生，又因啤小姐而起。明明是她約我們去看戲！！其後，她竟說要帶朋友來，還要是我們不認識的，最重要不是靚仔來的（咁點識先？）。情況開始變得複雜，我買了四張飛，周邊的位置已經有人買了喇。而她又有兩個朋友來，我們要一起看戲喎！！？（點算呢？）。啤小姐又勞師動眾喇，拿我們的飛去分組，即是呢！在我買的四張中，抽起番一張，再去將呢張飛再夾多兩張（姐係三打三囉！！），又姐係她約我們去看戲，但最後我們是同一個戲院看戲呀，但分開坐囉！（你問我嬲唔嬲，我唔嬲，但無奈囉而又明白她是這樣囉。）事發後，她知我們有點不快，所以都好怕，哈哈（我地好就得你，你知架！）。

說回套戲先，拍攝手法是好新鮮，到最後先知道全是偷拍（！）。兩小無猜的生活是幾細膩的，兩方的互姪對話又幾合付現實（最搞笑係話所有男仔都唔Ｑ鍾意問路，帶住女友永遠會懶型以為自己係識路。薛凱琪話：兩分鐘就到！半個鐘前你又話兩分鐘就到，行左兩個鐘喇！點兩分鐘就到呀！兩分鐘就到既地方係我一直望會見到架！你望丫！你望下前面丫！你望唔望到係邊呀！？），故事好像不夠充實。最後，好易散左，又好易復合咁囉！（影評說完）

看戲後（我聽到啲令我覺得好慌既野！但不宜在這裏多談），我們去了吃個真正的晚餐（意思是吃個飽飽的！），吃一吃，又點幾鐘才回家。明天係仲要上班架喎！？

但即興的約一班老友出來，談個天、看個戲、吃個飯，好窩心既呢。
我的宗旨（！），未到累死，都要應約。