與友的一個歡樂下午

中午收到友人的來電，T少爺的來電，但說話的人是馮少爺。他們約我去街街囉！哇！十年難得一遇，哈哈！即刻出門口先。（分開與他們倆出街就試過，三個去行街好似第一次，咳咳！我要覺得榮幸囉！）
注：我俾條死粉皮屈我不叫K小姐一起出來聚會，我是無辜的！！！
先要說說我們的目的，um....買東西。他們兩個都要買，詳細內容大家都估到八九成，不再解釋太多了。與兩位友人去街街，好多好笑野。

＠
我: 做咩事姐，你試衫下下要我拎...
馮少爺: 你幫得手丫嘛..
我: 妖...件件都我拎...麻鬼煩！
馮少爺: 唔該！
我: 夠喇！唔好扮野，我唔係服待你架！
馮少爺: 你係！
我: 你當我係咩！！！！！！！？
馮少爺＋T少爺（背住對方，在相同的百分一秒間，異口同聲地說）:　工人囉！！
（我頂丫！果然是兄弟！妖．．我好可憐！）
我: 我都要買禮物喎！
馮少爺: 買俾邊個？買啲咩？
我:　唔關你事喎！
馮少爺: 呢度有個專業型男，一定幫到你！
T少爺(終於出場): 我都係我都係！
我: (四處張望，扮聽不到的) 邊度邊度，點解我見唔到？
馮少爺: 哈哈哈哈，你個死野。
我: 哈哈哈，我覺得我反應好快囉！

＠
馮少爺: 我地去睇動物！
我:　又話唔得？
馮少爺:　睇渣！無話買！
我:　好！
馮少爺:　睇下有幾唔得．．．（好口賤！）
我:　又岩！（明顯地我們是朋友來架！）
馮少爺: 真係麻麻地囉～有咩用呢？
我: 咪係囉咪係囉，咪就係擺佢係度囉！
馮少爺: 你有無咁賤呀！
我: 講事實之嘛。（如果那位真的喜歡就例外）
馮少爺: 我都唔會咁講囉。你把口收下啦。
我: 就係知係朋友，先唔想佢衰咋。佢唔會嬲我架。
馮少爺: 佢未明你up咩咋!!!
我: (又岩喎)哈哈哈哈哈...............哈哈!

＠
馮少爺: 你同邊個邊個都．．．．
我:　無！
馮少爺: 想當年叮噹杯喎？
我:　無呀！
馮少爺:　你威啦！我啲兄弟．．．俾你@#)_!!_)!#@。
我:　痴線！！！無無無無囉！~!~#_!!_)!#@。
馮少爺: 你食完就nur！！！！！！！！
我:（聽到後，我真的笑到行唔到。當時係行緊去地鐵站，身邊勁多人架囉！）咩料呀你？！
馮少爺: （自己說完都停係度笑）哈哈哈哈！！！
我: 我無咁做！唔關我事！
馮少爺: 你同阿B都有囉。
我: 頂！ 無呀！呢單太勁，我carry唔到，唔好亂講囉。
突然想起了，馮少爺都@#$)o#@我啲姐妹囉（愈講愈變態？！！？）有依個同呢個，仲有同果個！哇，都好誇張，為何我當時不記得串番他呢？蝕左。

同場加映。曾經是有標準廿七腰的馮少爺，都有早期阿怕的先兆--小肚腩。(明顯地，我說得呢句，我呢排是不會再約他出街，皆因我仲未想死住！)

與友的一個歡樂下午，實在太好笑了。