對話！

１.(我公司的電話響起...)
拜仁: 喂!
我: (我的對白已經被搶)...係!
拜仁: 同學愛新鮮　戀愛大過天 .....天天天....
想不想也日夜懷念！！　連甜夢也不夠甜...
我: (不用說對白的，就有自動點播機)
拜仁: 係咪好in呀！見係你先唱Twins咋!
我: 原來Twins你都岩架!!哈哈!!...有咩幫到你?
拜仁: 做咩咁認真! 肯定cowcow(我的上司)係你附近!
我: 人在江湖丫嘛!
拜仁: 我明....男生們是非我細細聲講給你，我坐你隔離，像對孖公仔報喜....
我: 你係咪要問野架？
拜仁: 唔係架！見無聊咋！唔阻你喇！ｂｙｅ！
我：　哈哈哈哈！好！ｂｙｅ！


２．
拜仁: kit!!!!
我: 係!!
拜仁: 愈問愈傷心 明明無餘地再過問，明明知道衷心一吻 會有更親厚質感...
我: （又來！）
拜仁: 風繼續吹 不忍遠離，心裡亦有淚不願流淚望著你...
我: 好out呀!我要Twins!!!
拜仁: 無謂令你令你令你令你令你令你令你令你令你令你令你令你令你如何可以不愛他....丫！！無氣！
我: 哈哈哈...
拜仁: 我唱緊古巨胸既勁歌金曲呀！
我: 我知！
拜仁: （高八度！）祈求天父放過一雙戀人 怕發生的永遠別發生
我: （喪笑，要知道老闆在我身後！）（忍笑中）
拜仁:　你都唔讚下我既！
我: （小聲）周圍都係線人！
拜仁: 你係咪覺得好委屈呢？成日聽我唱歌．．．
我: 咁又唔係！
拜仁:　哈哈！我係咁打黎迫你聽．．．
我: 我都慣！
拜仁: 下！你啲朋友都會咁架?
我: 係！（個個都好鐘意唱，水生會唱王傑、峰少爺唱janice、辰生唱醫神！哇！！)
拜仁：乜你識啲朋友都係咁架？
我: 係囉！我都唔明！
拜仁: 哈哈哈哈哈....你咪好委屈囉！我又係咁喎！
我: 已經見怪不怪！

３．
拜仁: 知唔知邊個郭富城呀？
我: 我識既，仲有睇過佢演唱會添！
拜仁: 佢咪有首歌叫＜鐵幕誘惑＞既！
我: 係丫！
拜仁: 係咪咁唱....誰人用魅力，誰人在發射熱力...
我: 係丫！
拜仁: 呢句係錯架！
我: 咁應該係?
拜仁: 誰人用魅力，誰人做愛（！）大大力！！！！！
我: 哈哈哈哈...救命呀！！！晨早你就咁high!
拜仁: (他的同事在遠處:佢痴線架!!!!) 我同事叫我唔好咁早打黎嚇你呀!
我: 我聽到，你都嚇左啦！！！
拜仁: 我諗住你聽完精神啲丫嘛！
我：醒哂啦！咁動聽！
拜仁: 哈哈哈哈．．．．佢地驚你受唔住刺激呀！
我:　我經得起風浪既！
拜仁:　實在太好！（突然想起，180度轉回認真的語氣)我其實呢！我趕住要.....一隻錶架！(終於說回正經事)


（一個星期總有幾次喪笑的對話！上班的日子就是這樣過的．．．）