早幾天，我收到一個短訊，一看到便笑了出來。是關於馮少爺的生日（！）。我呢，就算是熟到爛的友人，都不會這麼說，但聽這類那麼友好才會說得出的話我又唔驅囉（雖然好衰，真係幾好笑囉！！）。而又其實我衰格的情度也不弱的，為了氹氹馮少爺一笑（！）。把這個短訊留到與馮少爺吃慶生飯時給他看。
馮少爺：又話有好笑野俾我睇
我：我怕你睇完會打人喎
馮少爺：關唔關你事先？
我：應該唔關
馮少爺：咁怕咩？
好，我就給他看看。
內容是．．．．．：
峰哥係咪今日生忌？如我所料，他看過後笑了出來呀下，而且還或當時人悔氣（唔關我事架！你知架！），而說這句話的當時人都不記得自己說過了。
說回飯局，為了慶祝廿多年來都是單身過生日的馮少爺慶生，我找了一家我們全都未吃過的餐廳（！）。又因為我做漏了一件事，我忘了打電話去問問細節，到了現場，我才知道那家餐廳執了！！！！！！丫.....呢下大獲了。唉，只好臨時轉場。展轉下，我們去了打邊爐，看到那麼東西，真的沒有意慾，皆因我早兩天才吃過，但是次的失誤是因我而起(最好不要說太多了!)。
話時話，我們好像好少會到外頭打邊爐，大多數都是吃晚餐(不是日本菜就是西餐居多)。而打邊爐少不了啤酒（？），而酒精令大家好像好high的，爆出不少笑話。
＠我有分數～
啤小姐：喂...你考成點姐?
辰生： 唔關你事。
啤小姐： 講黎聽下啦!
辰生：我既野，我有分數!
啤小姐：我緊係知你有分數啦，唔係你就收皮啦！！
辰生：？！
我與馮少爺（哈哈哈哈！！拍哂手掌！）
馮少爺：又岩喎佢！今次佢贏喎！
【哈哈哈哈...真的，啤小姐當晚串得最應既一次。】
＠芝士腸～
我：我忍左你好耐喇！你做咩讀到啲音錯哂既...
啤小姐：邊有呀？
我：係”芝”士腸，唔係”豬”士腸呀！
啤小姐：我專登咁讀架（！？）
我：下....讀到咁難聽...
啤小姐：你唔覺得咁讀可愛啲咩?!
我：(哇...?今日咩日子?)（我狂笑.......可愛！？！？！）
在我旁邊的馮少爺聽到後，口中的啤酒不由自主地(溢出)，喪笑不停（說著：你等我飲埋先啦大佬，咩料呀！ 【凝重地而又好口賤的對著我說】：佢話佢可愛呀？！你知唔知呀？究竟發生咩事呀？你睇你丫識埋啲咩人呀？）；我看見近處的辰生手都震埋；而遠處的T少爺好像說了，"你係咪顛架?"。
另外，我、k小姐與雲小姐，只是笑，已經沒有再加把口了。
＠青蛙跳～
我們玩了四人的十五二十後，大家都各自休息。而只有啤小姐還想繼續作戰（！）。而辰生就陪她玩玩。
辰生：你有無咩想玩架？
啤小姐：你話事啦...
辰生：青蛙青蛙跳好唔好呀？
啤小姐：下....我唔識喎!
辰生：教你囉...
啤小姐：係邊度跳呀咁？
坐在她旁邊我心想：（！？！！明顯地唔知發生咩事啦）（眾人已經笑緊架喇）
啤小姐（飲大兩杯還繼續說！）：係丫嘛，呢度邊度有位跳呀？
馮小爺（喪笑拍一拍辰生）：（大聲說）佢帶你落公園跳啦！！！
辰生：（冷靜地笑著說）正常人都會問，”係點玩呢？”或著”係點跳呢？”，而你係會問”係邊度跳？”，係咪痴線架？
（這位小姐，是比較新穎的，她下下咁對話，我都幫不到她。）
除了以上的對話，還有很多很多的，但無奈有太多是不能出街的對話，什麼試炮（！）、放心熄左燈唔覺（？！）、會起唔到機（！？！）、雞子爆左之後會...（！！！）等等，真的太誇張，太詳細說出有損眾友人的聲譽，都不宜說太多。最後，送出我與k小姐（精心）挑選的超型恤衫給馮少爺。嗯嗯，他那麼準備的身型（！！），是一定不合穿的，要放在家中警惕一下，才能穿下。
總結:
．是日慶生，真的好好笑。與友相聚一樂也。（我們在酒家內嘈到拆天！！）
．好慘的啤小姐被眾男仕不斷串串串，想救我也救不了。
．雲小姐的事，嘿！已經馬到成功！
．T少爺完了世界盃後，就要回舖頭（！）幫手（哈哈哈哈！！！）
．（沒有帶過人到他閏房的）馮少爺帶女孩回家！！但竟什麼事都沒有發生（世界變了許多嗎？！）
．我說錯了話，被非常激氣的T少爺離遠怒掟。（I am so sorry!!)
．啤小姐變得好爛口，連k小姐都忍不住出聲了。
．我媽識馮媽，馮媽媽識我（記得我全朵，好驚！）﹔我識馮少，馮少識我媽。整個循環好溫馨囉！！
．下星期再與啤小姐慶生。
他: 嘆緊珍珠奶茶啦?
